“Os orzamentos xerais do Estado para 2021 non lle deron cabida ás demandas históricas da Coruña e o seu debate deixa nun mal lugar os deputados e deputadas galegos do PSOE e Unidas Podemos que non tiveron a decencia de defender esas reivindicacións no Congreso e que tampouco foron quen de dar o seu voto ás nosas emendas”, afirmou hoxe na Coruña o portavoz do BNG no Congreso, Néstor Rego.

“En que quedou o contrato de Pedro Sánchez coa cidade do que falaba Inés Rey nada máis tomar posesión?, perguntouse esta tarde no Pleno Francisco Jorquera.

O portavoz do BNG en María Pita, Francisco Jorquera, considera que a cidade recibe un “maltrato” quer nos orzamentos do Estado quer nos galegos e, nese sentido, vaille preguntar ao Goberno Local, no pleno do vindeiro xoves 3 de decembro, que xestións fixo a alcaldesa perante Madrid e a Xunta para que as demandas da cidade fosen atendidas.

As emendas parciais que o BNG apresenta aos orzamentos xerais do Estado contemplan un incremento global dos investimentos na cidade e na comarca da Coruña por un valor de 304 millóns de euros, informaron esta mañá en conferencia de imprensa Néstor Rego, Francisco Jorquera e Avia Veira–voceiros do BNG no Congreso e en María Pita e concelleira nacionalista, respectivamente. Ao acto informativo asistiron os portavoces dos grupos municipais do BNG en Culleredo, Tono Chouciño; Cambre, Daniel Carballada; e Arteixo, Xurxo Couto.

No seu estado actual os Orzamentos do Estad-2021 están moi lonxe de seren aceptábeis para o BNG. Viran as costas ás necesidades da Coruña en asuntos fulcrais. Non vemos que o Goberno Local influíse positivamente neles. Traballaremos duro para os mellorar no trámite de emendas

Eis a avaliación de urxencia que o proxecto de orzamentos do Estado para 2021 lle merece ao grupo municipal do BNG na Coruña: