Bloque Nacionalista Galego da Coruña Néstor Rego

Néstor Rego
Novas
Reunión Néstor Rego, Jorquera e Iria Taibo co colectivo de mariscadores da Ría do Burgo, Baldomir, e o patrón maior da Confraría, Xabier Mariñas.

Basta de escusas: axudas xa para o colectivo de mariscadores da Ría do Burgo

21/abr./2025
O BNG vén de denunciar con firmeza a irresponsabilidade do Goberno do Estado, así como da Xunta de Galiza, na situación insostíbel que están a vivir as mariscadoras e mariscadores da Ría do Burgo, que levan desde abril de 2024 sen recibir compensación económica algunha malia non poder retomar a súa actividade profesional. O deputado do BNG non Congreso, Néstor Rego, exíxelle o Goberno do Estado pór fin a esta situación de inxustiza e desamparo e pagar de inmediato as compensacións económicas até que poidan volver traballar.
Ler novas
Novas
Néstor Rego e Jorquera Parque da Agra Xa.

Rego une a súa voz ao clamor da veciñanza: "Parque da Agra Xa!".

18/mar./2025
O deputado do BNG no Congreso, Néstor Rego, demándalle ao Goberno do Estado que acelere o plan para abrir ao público o parque e a zona verde do Observatorio meteorolóxico situado no barrio da Agra do Orzán, na Coruña. Ante a parálise para materializar a actuación prevista, a formación nacionalista reclama a máxima celeridade para ofrecer á veciñanza un espazo verde e de esparexemento nunha área da urbe carente deste tipo de espazos.
Ler novas
Novas
Néstor Rego. Rolda de prensa 13 de novembro de 2020.

Rego insta a Correos a que amplíe o horario da súa oficina en Novo Mesoiro

16/xan./2025
O deputado do BNG no Congreso Néstor Rego vén de rexistrar novas iniciativas para que o Goberno central, a través de Correos, amplíe o horario da Oficina de Correos do barrio de Novo Mesoiro, na cidade da Coruña, con vistas a prestar servizo tanto pola mañá como pola tarde e recuperar o horario de atención dos sábados. Paralelamente,  reclámalle ao Goberno dotar esta oficina de persoal e de medios suficientes.
Ler novas
Novas
Encontro BNG cos mariscadores da Ría do Burgo

O BNG reclama as axudas aos mariscadores e que se semente toda a ameixa fina comprometida

27/ago./2024
O portavoz do BNG no Congreso, Néstor Rego, anunciou esta mañá na Coruña novas iniciativas parlamentares para garantir a concesión de axudas ao colectivo de mariscadores da Ría do Burgo -após a dragaxe, non poden faenar pois o marisco aínda non acadou a talla mínima para a comercialización- e para se sementaren as unidades de ameixa fina comprometidas no proxecto de rexeneración.
Ler novas
Novas
Rosana Pérez, Francisco Jorquera, Ana Pontón, Néstor Rego. Presentación ante os medios da candidatura do BNG para as xerais 2023.

"O voto ao BNG ten un dobre valor"

27/xuño/2023
"O voto ao BNG ten un dobre valor. É un dique fronte á dereita e á extrema dereita, mais á vez é o único voto que asegura que Galiza conte", dixo o noso portavoz no Concello, Francisco Jorquera, durante o acto de presentación da candidatura do BNG para as eleccións xerais do 23 de xullo que coprotagonizou canda Néstor Rego, número 1 da nosa lista pola circunscrición coruñesa, e Ana Pontón, líder do Bloque.
Ler novas
Novas
20230606_111058

Un "grupo galego forte" para defender os intereses da Coruña no Congreso

06/xuño/2023
No andar superior da Cafetaría Macondo, os portavoces do BNG no Congreso e no Concello -Néstor Rego e Francisco Jorquera, respectivamente- ofreceron unha conferencia de prensa para dar conta do traballo realizado polo Bloque no Congreso nesta lexislatura en relación á cidade e á comarca da Coruña. Jorquera remarcou a importancia que tería a consecución dun "grupo galego forte" para a defensa dos intereses coruñeses no Parlamento estatal.
Ler novas
Novas
RDP

Máis de 30 emendas ás contas do Estado para asignar 260 millóns á cidade da Coruña e á súa comarca

28/out./2022

O deputado do BNG no Congreso, Néstor Rego, e o portavoz municipal e candidato  nacionalista á alcaldía da Coruña, Francisco Jorquera, presentaron este venres as máis de 30 emendas rexistradas aos Orzamentos do Estado de 2023 para a comarca e a cidade da Coruña por un montante total de máis de 260 millóns de euros. A formación nacionalista focalizará a negociación no incremento dos investimentos en materia de infraestruturas -sobre todo en materia ferroviaria coa modernización de liñas e a implantación dos cercanías- e servizos. Así mesmo, demandan a implicación do Goberno na reforma de instalacións e edificios de titularidade estatal para impulsar A Coruña e dotala de máis e mellores servizos.

Ler novas