galego

Se os datos feitos públicos polo Instituto Galego de Estatística en relación ao grao de uso da nosa lingua son preocupantes no conxunto de Galiza, sono aínda máis se o foco o pomos na área urbana da Coruña. É aquí onde se produce a maior caída no número de persoas galegofalantes, até alcanzar 25% en relación ao estudo anterior do IGE (2018).

O Goberno galego que a partir do 18 de febreiro liderará Ana Pontón derrogará o Decreto do Plurilingüismo -por ser un decreto do monolingüismo en castelán- para o substituír por unha Lei de Igualdade para o Galego.

A concelleira do BNG Mercedes Queixas acaba de rexistrar unha moción, para o seu debate no Pleno do vindeiro xoves 11 de xaneiro, visando que se dea cumprimento a dúas previsións da Ordenanza do Galego que está en vigor no Concello desde xuño de 2021. En concreto, o impulso dun Plan de Normalización e a creación do Consello Local da Lingua.

O logotipo do Concello da Coruña, de acordo co seu manual de imaxe corporativa, usa unha dobre forma –“Concello da Coruña. Ayuntamiento de A Coruña”-, o que constitúe unha excepción nos municipios galegos e contrasta tamén coa práctica da Xunta de Galiza, que non traduce os seus distintivos ao castelán.

O Pleno do Concello da Coruña deu luz verde esta mañá á Ordenanza do Galego, un instrumento para a normalización do noso idioma na institución local, impulsado polo BNG xa desde a sinatura, en xuño de 2019, do Acordo de Investidura. A Ordenanza foi votada a favor por BNG, PSdeG, Marea Atlántica e pola concelleira non adscrita Isabel Faraldo. O PP optou polo voto contrario.

En xuño de 2019, ao asinar o Acordo de Investidura co BNG, o PSdeG-PSOE comprometíase a aprobar, no primeiro ano de mandato, a Ordenanza do Galego, unha norma encamiñada a regular o uso do noso idioma por parte do Concello. Transcorrido ese primeiro ano de mandato, o compromiso do grupo que dá soporte ao Goberno Local continúa sen ser cumprido.

A concelleira do BNG Avia Veira rexistrou un rogo, que defenderá no Pleno do próximo xoves 1 de outubro, para que o Goberno Local promova o uso do galego por parte das entidades sociais, deportivas ou culturais, coas que ten asinado convenios nominativos.

O grupo municipal do BNG presentou unha moción para o Concello se implicar activamente na normalización do galego, a impulsar campañas para a súa promoción entre a infancia e a mocidade, e á vez para que o Goberno Local inste a Xunta a que poña en marcha políticas tendentes a lograr a recuperación de persoas galegofalantes.

Aínda hoxe a compañía de titularidade municipal Empresa Municipal de Aguas de La Coruña Sociedad Anónima ten o nome en castelán e inclúe a forma deturpada do topónimo da nosa cidade, como resulta evidente no acrónimo EMALCSA.

O Goberno Local ten a intención de “substituír progresivamente os cartaces e sinais que presenten toponimia deturpada”. Así llo di o Executivo coruñés ao BNG en resposta a unha pregunta formulada por escrito pola concelleira Avia Veira, quen, nunha iniciativa sobre o uso do galego por parte do Concello, se interesaba por saber que pensaba facer o gabinete liderado por Inés Rey para “corrixir aquela toponimia deturpada que permanece na sinalización da cidade”. Cumpre lembrar que a única forma legal dos topónimos é a galega (artigo 10 da Lei de Normalización Lingüística de 1983).