Novas

O logotipo do Concello da Coruña, de acordo co seu manual de imaxe corporativa, usa unha dobre forma –“Concello da Coruña. Ayuntamiento de A Coruña”-, o que constitúe unha excepción nos municipios galegos e contrasta tamén coa práctica da Xunta de Galiza, que non traduce os seus distintivos ao castelán.

O pasado sábado produciuse un incendio no antigo cárcere provincial da Coruña, un sinistro que se saldou coa mobilización de catro camións do Servizo de Extinción de Incendios da Coruña.

Das 7 grandes cidades galegas A Coruña foi a última en se dotar dunha Ordenanza do Galego e fíxoo finalmente grazas ao impulso do BNG. A norma apareceu publicada no BOP (Boletín Oficial da Provincia) o pasado 22 de xuño. Decorrido apenas un mes, a concelleira nacionalista Avia Veira rexistra unha pregunta por escrito ao Goberno Local en relación con distintos incumprimentos da Ordenanza do Galego que xa se teñen rexistrado e, por tanto, coa intención de saber que pensa facer o Executivo coruñés ao respecto.

Un mes despois de o BNG ter rexistrado unha pregunta por escrito ao respecto continuamos sen saber por que o Goberno Local non retoma xa en setembro o Programa Lecer, un conxunto de actividades culturais e recreativas nas que viñan participando arredor de 6 mil persoas na nosa cidade, no Ágora e no Fórum.

Homenaxear Curros é tanto como render tributo ao mellor que deu o noso país, a paixón pola defensa das súas clases populares, da súa lingua, da súa identidade, da súa condición de pobo diferenciado.

O portavoz do BNG en María Pita, Francisco Jorquera, participou esta mañá nunha reunión da Comisión Especial “Cidade das TIC” en que compareceu o reitor da UDC, Julio Abalde, para dar conta da evolución do proxecto.

O grupo municipal do BNG avalía en termos positivos que o PSOE e a Marea Atlántica rectificasen a súa posición en relación aos orzamentos do Concello –o grupo socialista optou no seu día por prorrogar as contas de 2020 e non negociar un novo presuposto, a Marea tivo actitudes que no seu momento fixeron moi difícil a posibilidade de chegar a acordos-, mais advirte que “non sería bon para a cidade” que a negociación orzamentaria se establecese a dous e excluíse a formación nacionalista.

O Bloque Nacionalista Galego vai rexistrar unha iniciativa no Congreso para instar o Goberno do Estado a que se reabra o xardín do Observatorio Meteorolóxico, fechado desde o comezo da pandemia, para permitir que a veciñanza da Agra do Orzán volva desfrutar deste espazo ao ar libre para o seu tempo de lecer.

O cesamento de Lanzada Calatayud fíxose sen ter en conta os estatutos do Consorcio de Turismo segundo os cales a atribución para nomear ou separar a titular da Xerencia correspóndelle ao Consello desta entidade e non ao concelleiro de Turismo, Juan Ignacio Borrego.

O Pleno do Concello aprobou este xoves as tres mocións formuladas polo BNG, iniciativas que defenden o abaratamento da tarifa eléctrica, a garantía do dereito do alumnado con discapacidade a continuar a súa formación nos Centros de Educación Especial e o reforzo do servizo do 010.