Novas

"Somos a segunda forza deste país e queremos agradecer o contributo de miles de coruñesas e coruñeses que nos votaron o 12 de xullo. Esta cidade vai ter, ademais, unha voz propia no Parlamento galego, a de Mercedes Queixas", resaltou a portavoz nacional do BNG, Ana Pontón, durante o almorzo informativo que ofreceu aos medios locais para dar conta daqueles aspectos prioritarios en relación á cidade e á comarca en que o grupo parlamentar nacionalista vai centrar o seu traballo na nova lexislatura.

Perante a Covid, o Goberno Local, co apoio do BNG e o resto de grupos municipais, resolveu manter os contratos con todas as empresas concesionarias de servizos de titularidade pública co fin de evitar a destrución de emprego.

A Coruña tamén ten rural e debe ser dignificado. Ese é o compromiso do BNG, reafirmou Francisco Jorquera durante a súa visita a Mesoiro Vello e Vío. Alí comprobou que hai moitas tarefas por realizar para completar a humanización destes núcleos de poboación, a comezar polo saneamento do Río Mesoiro-Monelos. Jorquera fixo a visita da man do presidente da Asociación de Veciñxs A Xunqueira-Mesoiro Vello-Vío, Javier Hurtado.

O portavoz do BNG en María Pita, Francisco Jorquera realizou esta mañá unha visita aos núcleos de Mesoiro Vello e Vío da man do presidente da Asociación de Veciñas e Veciños A Xunqueira-Mesoiro Vello-Vío, Javier Hurtado.

O enreixado que fecha o acceso ao Punto Limpo dos Rosais presenta un mal estado, con ocos abertos na súa parte inferior que non garanten a necesaria seguridade do recinto.

A nosa deputada Mercedes Queixas, a apoiar as mobilizacións do profesorado fronte a unha Xunta de Galiza incapaz de planificar o comezo de curso, con rigor e diálogo, para lle facer fronte á pandemia.

O portavoz do BNG en María Pita, Francisco Jorquera, dirixiuse por escrito ao Goberno Local para saber se na súa política de contratación o executivo coruñés pensa estabelecer unha percentaxe mínima significativa de contratos para os Centros Especiais de Emprego de Iniciativa Social.

No pleno realizado en novembro de 2018 a Corporación deu luz verde á aprobación inicial do catálogo do PXOM, o documento en que se relacionan aqueles edificios e bens de interese que deben ser protexidos.

Non entendeu nada o PP: non se trata de "comprar chatarra", trátase xusto de evitar que o 'Orzán', un barco símbolo do que fomos e somos como cidade, se converta niso, en chatarra. Eis a réplica de Francisco Jorquera. #SalvemosOOrzán

 

En 2019 unha persoa perceptora do bono taxi recibía do Concello 1.000 euros. En 2020, 700. Este descenso, dun 30 por cento, leva a concelleira do BNG Avia Veira a lle formular unha pregunta por escrito ao Goberno Local.