ria-do-burgo

O pasado 2 de maio, o deputado do BNG no Congreso Néstor Rego rexistraba unha pregunta por escrito ao Goberno do Estado en relación ao anunciado proxecto da Xunta de construción dunha pasarela entre As Xubias e Santa Cristina.

A parlamentar do BNG Mercedes Queixas rexistrou iniciativas na Cámara galega –unha pregunta oral e outra por escrito- por medio das cales urxe a Xunta a que faga xestións ante o Goberno do Estado para axilizar o cobro das compensacións por parte dos mariscadores da Ría do Burgo afectados polas obras de dragaxe.

A concelleira do BNG Avia Veira acaba de rexistrar unha prergunta por escrito para saber cando vai levar a Pleno o Goberno Local a revisión do planeamento para o ámbito da Ría do Burgo unha vez que, en novembro de 2021, caducou a suspensión de licenzas decretada por un ano.

A portavoz do BNG en Europa, Ana Miranda, a deputada no Parlamento Galego, Mercedes Queixas, e o portavoz municipal do Bloque na Coruña, Francisco Jorquera, trasladaron ás mariscadores e mariscadoras da Ría do Burgo a satisfacción do Bloque por que a súa loita desde hai 14 anos dea os seus froitos: a ría vai ser dragada e o colectivo vai cobrar as compensacións polo cesamento da súa actividade mentres duren as obras. “É un exemplo de loita ambiental e económica para outros casos de rías que aínda non están saneadas”, destacou Ana Miranda.

O BNG acada un acordo unánime na Comisión de Pesca, tras aceptar unha emenda do Partido Popular,  polo que o Parlamento de Galiza insta a Xunta a “adiantar os cartos das compensacións económicas por  inactividade obrigada aos mariscadores  da Ría do Burgo durante o tempo que duren as obras de dragaxe e rexeneración, previa garantía de transferencia, mediante a sinatura dun convenio dos fondos pertinentes polo Estado para esta finalidade, o que permite activar garantías de protección aos mariscadores e evitarlles un compromiso de endebedamento  engadido innecesario, dende o inicio das obras”.

A dragaxe da Ría do Burgo é un proxecto que vai desenvolver a Administración central do Estado no dominio público marítimo terrestre e a súa realización vai ser incompatíbel coa práctica do marisqueo quer a pé quer a flote durante no mínimo 26 meses. É por isto que as e os mariscadores teñen que ser compensados polo cesamento forzoso da súa actividade.

Non foi sen tempo, mais hoxe o Bloque Nacionalista Galego da Comarca da Coruña tense que congratular perante a noticia de que o Estado vai licitar nos próximos días os traballos de dragaxe da Ría do Burgo, unha actuación orzamentada en 48,6 millóns de euros e que terá un prazo de execución de 26 meses.

O BNG e a Confraría de Pescadores da Coruña, na que se integran as agrupación de mariscadoras e mariscadores, trasladaron á Comisión Europea os novos retrasos sobre o saneamento integral da Ría do Burgo, xa que o proxecto de rexeneración deste espazo aínda non está publicado no BOE. Esta información incorpórase á denuncia aberta na Comisión de Peticións presentada pola Confraría da Coruña en 2012 e despois de que unha misión de investigación integrada por eurodeputadas e eurodeputados viaxou á Ría do Burgo para coñecer in situ o grao de contaminación existente e a cantidade de lodos acumulados durante anos.

Os votos do PP serviron para que a Comisión de Pesca do Parlamento da Galiza rexeitase hoxe unha iniciativa do BNG a través da cal a formación nacionalista demandaba que a Xunta compensase economicamente o colectivo de mariscadoras e mariscadores durante o tempo en que se realizará a dragaxe da Ría do Burgo e en que, consecuentemente, non poderán desempeñar a súa actividade profesional.

O Bloque Nacionalista Galego vai formular emendas aos orzamentos do Estado e da Xunta para os dotar de partidas que vaian dirixidas a compensar as e aos mariscadores de a pé e a flote polo cesamento da súa actividade extractiva durante o tempo que duren as obras de dragaxe na Ría do Burgo.