Pleno de 12 de xaneiro de 2023
Novas
Jorquera CC

A resposta do Goberno Local á pregunta total de Jorquera sobre a Casa Cornide: as evasivas de sempre

A pregunta total de Francisco Jorquera ao Executivo coruñés sobre a Casa Cornide –señoras e señores do Goberno Local, sobre a Casa Cornide, que?- foi respondida polo concelleiro delegado de Memoria Histórica, Jesús Cornide, cunha nova evasiva sobre o momento en que eventualmente o Concello materializaría a demanda para recuperar o palacete que en tempos foi sede do consistorio coruñés.
Ler novas
Novas
FJ 3

Jorquera, sobre as sucesivas crises de goberno en María Pita: "Gobernar con só 8 concelleiros foi unha decisión da alcaldesa"

O portavoz do BNG no Concello, Francisco Jorquera, vai abordar no Pleno de mañá xoves as sucesivas crises producidas no Goberno Local durante o mandato que expirará o próximo mes de maio. Farao a través dunha pregunta oral sobre a recente anulación por parte do TSXG do nomeamento de Mónica Martínez como concelleira de Deportes e a asunción das competencias desta área por parte da alcaldesa.
Ler novas
Vídeo
Jorquera fai en María Pita a pregunta total

Jorquera fai en María Pita a pregunta total

A pregunta total é a que no seu día inmortalizara o malogrado e mítico xornalista deportivo coruñés Lolo Gantes, cando, nunha conferencia de prensa e dirixíndose ao naquela altura adestrador do Deportivo, inquirira: “Arsenio, que?”.

Pois iso mesmo preguntará Jorquera no Pleno deste xoves 12 de xaneiro ao Goberno Local. “E formulamos así a pregunta”, esclarece o voceiro nacionalista no Concello, “porque xa non sabemos como preguntarlle ao Goberno de Inés Rey pola Casa Cornide para que dea unha resposta concreta”.

Unha resposta concreta sobre cando vai presentar, se finalmente o vai facer, a demanda para este palecete, que no seu día foi sede do Concello e que foi usurpado durante a ditadura polos Franco, ser restituído ao seu lexítimo dono, o pobo da Coruña.

Ler novas
Novas
Avia Veira e Francisco Jorquera diante do xardín do Observatorio

Pola reapertura inmediata ao público do Xardín do Observatorio!

A concelleira do BNG Avia Veira rexistrou unha moción, para o seu debate no Pleno ordinario do vindeiro xoves 12 de xaneiro, por medio da cal insta o Goberno Local a que negocie co Ministerio para a Transición Ecolóxica (MITECO) a apertura do xardín do Observatorio Meteorolóxico á veciñanza da Agra do Orzán, un espazo do que a xente deste barrio gozaba antes da pandemia.
Ler novas