Plan das Xubias

A diferenza do que acontecía na primeira versión do convenio das Xubias -aprobado na Xunta de Goberno Local o 30 de xullo de 2024- a actualización que irá ao Pleno deste xoves garante a ordenación conxunta de todo o bordo litoral, até a Ponte da Pasaxe.

O portavoz e a concelleira responsábel de Urbanismo do BNG -Francisco Jorquera e Avia Veira- visitaron onte o núcleo das Xubias e mantiveron un encontro cunha representación da veciñanza.

O BNG acaba de rexistrar as súas alegacións -que achegamos en documento anexo- ao convenio asinado entre o Concello e o fondo de investimento suízo Gingko para a transformación urbana das Xubias.

Representantes do fondo de investimento suízo Gingko mantiveron este venres unha reunión coa veciñanza das Xubias en relación á transformación urbanística da zona. No encontro, Gingko manifestou que a única norma á que se teñen que ater, á hora de construír, é a do PXOM actualmente vixente e non a da modificación puntual pendente de ser levada a Pleno, mudanza que rebaixa substancialmente a edificabilidade do ámbito.

O Pleno de setembro instou o Goberno Local a que suspenda o convenio asinado co fondo de investimento suízo Gingko para a transformación urbanística das Xubias de Arriba e as Xubias de Abaixo. Fíxoo ao aprobar unha moción do BNG defendida pola nosa concelleira Avia Veira. O PSOE votou en contra, mentres que o PP o fixo a favor.

O grupo municipal vai propor no Pleno do vindeiro xoves que o Goberno Local suspenda o convenio asinado co fondo de investimento Gingko para As Xubias -aprobado na Xunta de Goberno Local de 30 de xullo deste ano- porque “só persegue beneficiar os intereses privados” e “en ningún caso atender os da cidadanía coruñesa”.