participación

Entendemos inxustificábel que o Goberno da Marea pretendera cobrar 1.271,65 euros á A.VV. de Novo Mesoiro pola celebración da festa do Samaín 2018

É incríbel que a Área de Deporte pretendera facturarlle á entidade veciñal polo emprego do pavillón deportivo de Novo Mesoiro a taxa recollida na ordenanza fiscal número 15 pola celebración dunha festa aberta e de balde á veciñanza do barrio

É inexplicábel que o Goberno municipal non responda ante as entidades máis dilixentes facendo posíbel o pagamento dos convenios

Presentamos hoxe unhas iniciativas nas que demandamos do Goberno da Marea Atlántica axilidade á hora de xestionar a subvencións nominativas polo que se financia o servizo de biblioteca no Campo de Marte que ofrece a A.VV. dass Atochas, Monte Alto, Torre de Hércules, Durmideiras: un servizo moi demandado e para o que a asociación conta cunha traballadora

Non deixa de chamar a atención que o Goberno Local financie unha festa co lema Revive Monte Alto e resulta que ten morrendo un convenio que precisamente permite manter aberta e viva a biblioteca do Campo de Marte xestionada pola A.VV. Monte Alto, unha asociación que leva traballando polo barrio desde hai 40 anos

Preguntamos ao Goberno municipal por que tan só convocou o Consello Escolar Municipal (CEM) unha vez este curso escolar, a principios de setembro do ano pasado e para tratar asuntos referidos ao período lectivo 2015-2016

O Consello Escolar Municipal é un ente participativo e consultivo onde ademais da propia comunidade educativa teñen cabida as asociacións de nais e pais, as organizacións sindicais, persoas de recoñecido prestixio no sector da educación, membros nomeados pola corporación municipal e mesmo estudantado. É un escándalo este proceder que nós consideramos un desleixo para toda a comunidade que participa no ensino na cidade da Coruña

Demandamos do Executivo local que aclare por que faltou á súa promesa de convocar, canto menos, tres veces ao ano este órgano e se ten pensado outro modelo de participación para o ensino na cidade

Preguntaremos no Pleno de abril sobre a aplicación real das cláusulas sociais nos contratos con empresas que realiza o Concello da Coruña

Tamén levaremos ao Pleno a situación das traballadoras e traballadores en servizos sociais e para cando o Executivo local ten pensado comezar coa reforma do Regulamento de participación

Lamentamos que o Executivo local persista na idea de crear os distritos unicamente sobre o mapa

O Goberno local debería afrontar de vez a reforma do Regulamento de Participación para dotar os distritos de atribucións, funcións e competencias concretas e convertelos en estruturas con capacidade de decisión que supoñerían unha verdadeira participación do pobo nos asuntos públicos

O empeño de crear distritos sobre o mapa da Coruña amosa a intención clara do Goberno da Marea de aparcar a reforma do Regulamento de Participación. Doutra volta, vai ser presentada mañá unha nova declaración de intencións, que de seguro irá acompañada de moita parafernalia pero que na realidade deixará aos barrios como estaban e sen avanzar en procesos de implantación de estruturas que garantan unha democracia real

Demandamos do Goberno municipal que deixe xa de organizar actividades prescindíbeis, con non se sabe que obxectivos a acadar, e comece a actuar nos barrios de vez

O novo proceso participativo aberto onte no Centro Cívico de Novo Mesoiro para a “articulación dos servizos culturais municipais” é ridículo e instamos ao Executivo local a deixar de enguedellar á veciñanza

Doutra volta, e igual que cando se abriu o proceso dos distritos que se nos presentará a semana que vén despois de ter comezado hai xa un ano e medio, puxo á veciñanza dos barrios de Feans, Mesoiro e Novo Mesoiro a cubrir papeis e explicarlle que se «abren espazos para compartir ideas e proxectos», máis iso non se lle pode chamar participación. Cando entenderá este Goberno que a reforma do ROPC e a garantía de establecer estruturas nos barrios con capacidade de decisión si dará lugar a verdadeiros procesos participativos e implicará a implantación dunha democracia real?

Volvemos reclamarlle ao Goberno municipal que afronte dunha vez as reformas do Regulamento de Participación e do Regulamento Orgánico

De novo vémonos como o ano pasado co orzamento prorrogado mentres o PSOE e a Marea seguen sen resolver as súas problemáticas de parella

Entendemos que o Goberno local é quen ten a responsabilidade de elaborar o orzamento en tempo e non pode eludila xa que son os que teñen a “capacidade” e a obriga política de facelo mais decidiu facelo tarde sen deixar marxe temporal abondo para a negociación e para ter o orzamento listo e vixente a 1 de xaneiro de 2017

Emendamos os orzamentos municipais para 2017 para eliminar máis de 2 millóns de euros en gastos superficiais e investilos, entre outras cousas, nun Plan de Inclusión Social por valor de 500.000 euros, a eliminación do copagamento no Servizo de Axuda a Domicilio e a posta en marcha dun Plan de Industrialización para A Coruña con 250.000 euros

Conseguimos rebaixar máis de 2 millóns de euros en gastos superficiais: a partida destinada a retratos dos alcaldes, partidas en externalizacións ou partidas en publicidade e propaganda

Desde o Bloque entendemos que hai que priorizar o investimento nos barrios, cos que segue existindo unha débeda, para o cal achegamos máis de 145 propostas recollidas nas sucesivas Asembleas Abertas e encontros, mais tendo moi presente que existen outras tantas propostas da veciñanza que demandan que o Goberno municipal xestione mellor diariamente

Continuamos coa mesma liña do ano pasado, de sermos construtivas e achegarmos propostas concretas ao orzamento malia que tememos que ninguén aprendeu do acontecido no pleno de abril: nin o Goberno, que non nos fixo chegar o orzamento até finais de novembro e incompleto, nin os outros grupos da oposición cos que parece que non vai a cousa

O noso Grupo Municipal visitou á asociación Agalure nos espazos onde desenvolve as súas actividades na avenida Glasgow

A entidade asociativa trasladounos as súas necesidades actuais, principalmente a demanda dunhas instalacións acaídas aos servizos que hoxe en día están a prestar

O contacto permanente co tecido asociativo da cidade, neste caso co sector sociosanitario, permítenos coñecer de primeira man as súas principais necesidades e acceder a problemática diaria á que se teñen que enfrontar: existe un conxunto de asociacións na Coruña que están desenvolvendo as súas actividades moi en precario mentres e o Goberno municipal non é capaz de acompañalas ou mesmo darlles alternativas axeitadas ao labor que están realizando