Néstor Rego

O deputado do BNG no Congreso, Néstor Rego, demándalle ao Goberno do Estado que acelere o plan para abrir ao público o parque e a zona verde do Observatorio meteorolóxico situado no barrio da Agra do Orzán, na Coruña. Ante a parálise para materializar a actuación prevista, a formación nacionalista reclama a máxima celeridade para ofrecer á veciñanza un espazo verde e de esparexemento nunha área da urbe carente deste tipo de espazos.

O deputado do BNG no Congreso Néstor Rego vén de rexistrar novas iniciativas para que o Goberno central, a través de Correos, amplíe o horario da Oficina de Correos do barrio de Novo Mesoiro, na cidade da Coruña, con vistas a prestar servizo tanto pola mañá como pola tarde e recuperar o horario de atención dos sábados. Paralelamente,  reclámalle ao Goberno dotar esta oficina de persoal e de medios suficientes.

O portavoz do BNG no Congreso, Néstor Rego, anunciou esta mañá na Coruña novas iniciativas parlamentares para garantir a concesión de axudas ao colectivo de mariscadores da Ría do Burgo -após a dragaxe, non poden faenar pois o marisco aínda non acadou a talla mínima para a comercialización- e para se sementaren as unidades de ameixa fina comprometidas no proxecto de rexeneración.

"O voto ao BNG ten un dobre valor. É un dique fronte á dereita e á extrema dereita, mais á vez é o único voto que asegura que Galiza conte", dixo o noso portavoz no Concello, Francisco Jorquera, durante o acto de presentación da candidatura do BNG para as eleccións xerais do 23 de xullo que coprotagonizou canda Néstor Rego, número 1 da nosa lista pola circunscrición coruñesa, e Ana Pontón, líder do Bloque.

No andar superior da Cafetaría Macondo, os portavoces do BNG no Congreso e no Concello -Néstor Rego e Francisco Jorquera, respectivamente- ofreceron unha conferencia de prensa para dar conta do traballo realizado polo Bloque no Congreso nesta lexislatura en relación á cidade e á comarca da Coruña. Jorquera remarcou a importancia que tería a consecución dun "grupo galego forte" para a defensa dos intereses coruñeses no Parlamento estatal.

Por que o Goberno do Estado decidiu ceder de xeito gratuíto ás cidades de Soria e Granada os seus antigos cárceres e no caso da Coruña se nega esa opción e se demanda unha contraprestación económica, recentemente negociada co Goberno Local?

O deputado do BNG no Congreso, Néstor Rego, e o portavoz municipal e candidato  nacionalista á alcaldía da Coruña, Francisco Jorquera, presentaron este venres as máis de 30 emendas rexistradas aos Orzamentos do Estado de 2023 para a comarca e a cidade da Coruña por un montante total de máis de 260 millóns de euros. A formación nacionalista focalizará a negociación no incremento dos investimentos en materia de infraestruturas -sobre todo en materia ferroviaria coa modernización de liñas e a implantación dos cercanías- e servizos. Así mesmo, demandan a implicación do Goberno na reforma de instalacións e edificios de titularidade estatal para impulsar A Coruña e dotala de máis e mellores servizos.

Néstor Rego require coñecer a periodicidade coa que o Pelícano 24 realiza os traballos anticontaminación das augas e a súa área de actuación ante a acumulación de lixo e residuos nas últimas semanas.

O deputado do BNG no Congreso, Néstor Rego, vén de rexistrar iniciativas para evitar a deslocalización do servizo de atención telefónica ao cliente de Unión Fenosa Distribución na Coruña, por parte da empresa Teleperformance, e garantir a continuidade dos postos de traballo. A formación nacionalista defende realizar as mudanzas necesarias para blindar o servizo de atención ás persoas consumidoras, tamén para aquelas que queiran ser atendidas en galego. Propón que se condicione o acceso das empresas eléctricas a fondos públicos e a novas autorizacións de xeración a que a súa actividade económica resulte de maneira positiva no territorio creando postos de traballo estábeis.

O deputado do BNG no Congreso, Néstor Rego, xunto coa representante da Plataforma das persoas usuarias dos trens de Media Distancia e Avant, Reyes Abad, reclaman na Coruña ao Goberno do Estado que rectifique a súa decisión de deixar fóra das bonificacións de 100% o servizo ferroviario Avant media distancia que conecta A Coruña, Santiago de Compostela e Ourense.