Bloque Nacionalista Galego da Coruña intermodal

intermodal
Novas
Maqueta estación intermodal

Aínda fican "incertezas" sobre os usos comerciais e lucrativos aos que ten dereito o ADIF na Intermodal

29/abr./2021
A concelleira do BNG Avia Veira xulga como “positivo” que o ADIF asinase o convenio sobre a Intermodal, pois así se dá un paso máis cara á materialización dunha infraestrutura necesaria para a cidade, mais á vez advirte que “aínda fican incertezas por despexar” sobre os usos comerciais e lucrativos á que o Administrador de Infraestruturas Ferroviarias terá dereito na nova estación dos camiños de ferro.
Ler novas
Novas
Un dos momentos da intervención da nosa concelleira Avia veira durante a celebración do Foro Movémonos

Propostas para a mobilidade, propostas para o futuro

bngcidadedacorunha.opennemas.com 04/abr./2017

Aproveitamos o Foro pola mobilidade sostíbel para trasladar as nosas propostas en mobilidade para a cidade

Quixemos expor, entre outras, as nosas apostas por políticas que fomenten a optimodalidade, a mellora integral do transporte público en autobús, a implantación do tren de proximidade ou do transporte marítimo, de dar prioridade ás e aos peóns e por investimentos na mellora da accesibilidade universal do espazo urbano

Falamos do exemplo de Pontevedra, como modelo a seguir, e da necesidade de recuperar os espazos urbanos para as e os peóns

Todas e todos somos conscientes de que a nosa cidade ten un problema a respecto da mobilidade. A Coruña non pode deixar pasar a oportunidade de mellorar a súa mobilidade urbana, tendo en conta que estamos nun momento clave onde se abren múltiples opcións para mellorala. E por riba disto hai que ser conscientes de que si existen políticas destinadas a defender os intereses das persoas ou os intereses das empresas. Por tanto toca decidir e tomar as decisións

Ler novas