Francisco Jorquera

O portavoz do BNG en María Pita, Francisco Jorquera, rexistrou un rogo oral para a súa inclusión no vindeiro Pleno, a se realizar o xoves 5N, en relación ao estado en que se acha a rede de carrís bicis na nosa cidade.

Ana Miranda e Francisco Jorquera mantiveron esta tarde, na sede comarcal do BNG, un encontro con Vahe Manukyan e Artak Mkrtichyan, representantes da comunidade armenia na Galiza.

O PP apreséntase como a solución á inestabilidade que caracteriza a situación política do Concello da Coruña, cando en realidade este partido “lonxe de ser a solución é boa parte do problema”. “O PP é sinónimo de inestabilidade. Vai xa pola terceira voceira no que vai de mandato. Primeiro Bea Mato, despois Roberto Rodríguez, agora volven ao pasado con Rosa Gallego. A este paso todas as  concelleiras e concelleiros deste grupo van rotar ao fronte da portavocía. Din que son a única oposición cando en realidade funcionan como a delegación da Xunta no Concello da Coruña. Na práctica son axentes comerciais do señor Feixóo na nosa cidade”.

A Estación de Autobuses da Coruña presenta un aspecto “lamentábel” e dá a impresión de que o Goberno Local, no canto de actuar para arranxar as súas deficiencias, se limita a agardar pola chegada da futura Intermodal, unha infraestrutura para a que non hai prazos certos.

Até o xurdimento da pandemia no mercado de Santo Agostiño viña funcionando desde había anos un mercado ecolóxico promovido pola Asociación Labrega Natura, que puña a venda os seus produtos todos os martes do mes no último andar do edificio. A consecuencia da Covid-19 en marzo de 2020 suspendéronse as súas actividades sen que até o de agora o Concello respondese á solicitude que lle foi formulada para a súa reapertura. O Goberno Local tampouco deu resposta á petición de manter unha entrevista con Labrega Natura.

Após a recente visita de Francisco Jorquera aos núcleos de O Birloque, O Martinete e Someso, da man do presidente da Asociación de Veciñas e Veciños deses lugares, Ramón Mañana, o BNG vén de rexistrar unha pregunta por escrito en que se lle formulan diversas cuestións ao Goberno Local sobre a necesaria humanización deses barrios da cidade.

Os terreos adxacentes ao Observatorio meteorolóxico da Coruña xa non son precisos para o desenvolvemento da función deste centro, grazas ao proceso de automatización que ten acometido.

Francisco Jorquera insta o Goberno Local a que se poña a carón dxs traballadorxs de Alu Ibérica e demande con enerxía a intervención pública da factoría coruñesa. "A Coruña e a comarca non poden converterse nun deserto industrial", remarca, mentres que Mercedes Queixas lle esixe ao presidente da Xunta "que non lle trema nin o pulso nin a voz á hora de demandar a intervención pública da antiga Alcoa na Coruña" #OBNGNarúa #ASoluciónAIntervención.

MOSTRAR MENOS

O deficiente estado do pavimento da rúa Areal, con lousas rotas e outras desprendidas sen teren sido repostas, ten provocado xa algunhas caídas de peóns e un traumatismo –diagnosticado polos servizos médicos como “arrancamento de troquiter do úmero dereito”- a unha veciña.

O proxecto que manexa o Goberno Local é o de instalar unha base para as actividades deportivas náuticas no espazo ocupado polos antigos estaleiros Valiña. Mais este emprazamento presenta non poucos problemas para a práctica do remo olímpico e determinadas modalidades de piragüismo, polo que o BNG propón como alternativa acondicionar para estes deportes os popularmente coñecidos como terreos da Conserveira Celta, no recheo situado nas inmediacións da Pasaxe. Alí podería establecerse tamén a sede dunha futura Escola Municipal de Remo e Piragüismo. A formación nacionalista fai esta proposta a través dunha pregunta por escrito de Francisco Jorquera ao Goberno Local.