Elviña Non Se Vende

#NoPlenoOutubro.

Xs veciñxs de Elviña atinxidos polo Ofimático albiscan felizmente o fin do pesadelo e Avia Veira réndelles tributo: "Esta é a historia dunha cidadanía que defendeu as súas casas, a súa forma de vida, os seus dereitos, dun xeito exemplar".

O BNG votou a prol da ratificación do convenio mixto do planeamento e execución para os efectos de estudar a nova ordenación da marxe dereita do sector 10 do Parque Ofimático.

O convenio conta co apoio das veciñas e veciños, razón pola que o BNG opta por o votar a favor, e permítelles manteren as súas casas, o principal obxectivo desta loita cidadá. No en tanto, non fican exentos das cotas de urbanización.

#ElviñaNonSeVende.

Na reunión constitutiva da Mesa de Traballo coa veciñanza de Elviña afectada polo Parque Ofimático, realizada esta tarde no Salón Dourado do Pazo de María Pita, debuxouse unha vía de arranxo para este conflito urbanístico e o BNG agarda que a solución definitiva se alcance nunha nova xuntanza a ter lugar en outubro.

Tal e como formalmente lle solicitaron por escrito o pasado martes BNG e a Marea Atlántica, a Concellaría de Urbanismo vai convocar a Mesa de Traballo coa veciñanza de Elviña afectada polo Parque Ofimático o próximo martes 29 de setembro ás 17 horas no Pazo de María Pita (salón dourado).

En decembro pasado, nunha reunión da Comisión de Seguimento do Acordo de Investidura entre o BNG e o PSdeG, o grupo que dá soporte ao Goberno Local comprometeuse a convocar unha Mesa de Traballo co obxectivo de dar satisfacción ás demandas do colectivo de veciñas e veciños afectados polo Parque Ofimático. 

O grupo municipal do BNG levou as demandas do colectivo veciñal de Elviña afectado polo Parque Ofimático á Comisión de Seguimento do seu acordo de investidura co PSOE.