COF de Orillamar

Tal e como sinala un cartaz colado na porta de entrada do COF de Orillamar, este centro de orientación familiar non pode atender o “teléfono de citas até novo aviso” por “falta de persoal administrativo”.

Non só a Xunta desatende as súas obrigas a respecto do cadro de persoal do Centro de Orientación Familiar de Orillamar: o Goberno Local tampouco cumpre cos seus deberes.

Pese ao malestar que existe no persoal facultativo de Centro de Orientación Familiar -co que o BNG se reuniu recentemente- e pese ao traballo político de denuncia feito pola formación nacionalista, o COF de Orillamar continúa sen ter as dúas prazas de xinecoloxía cubertas a tempo completo, das que este servizo debe, estatutariamente, estar dotado.

Nos Centros de Orientación Familiar do Ventorrillo e Orillamar había tres prazas de xinecoloxía, unha naquel e dúas neste.