A Casa Escariz é un inmóbel que lexitimamente pertence ao Concello da Coruña e o BNG ten apoiado a acción do Goberno Local para conseguir a súa plena restitución.

A Fundación Legado Manuel Piñeiro Pose xestiona a Casa Escariz, o inmóbel do ensanche coruñés cuxa titularidade se disputan o Concello e os testamenteiros do filántropo. Unha cuestión que para o BNG non admite dúbida: a vontade de Manuel Piñeiro Pose era que a Casa Escariz pasase a facer parte do patrimonio municipal.

A medio dunha batería de preguntas ao Goberno Galego, a deputada do BNG Mercedes Queixas denuncia que a Fundación Manuel Piñeiro Pose, a entidade que xestiona as rendas da Casa Escariz, leva varios anos sen lle presentar as súas contas á Xunta de Galiza, en claro incumprimento das obrigas que marca a Lei de Fundacións de Interese Galego.

“Non estamos neste momento procesal, estudarase cando teñamos a información que corresponda procesalmente”, responde o Goberno Local ao portavoz do BNG en María Pita, Francisco Jorquera, quen inquirira o Executivo coruñés sobre se pensa reclamarlle á Fundación Manuel Piñeiro Pose as cantidades “cobradas e retiradas indebidamente” procedentes da Casa Escariz.

O portavoz do BNG en María Pita, Francisco Jorquera, rexistrou unha batería de preguntas por escrito en relación ao legado de Manuel Piñeiro Pose, o propietario da coñecida como Casa Escariz que, ao facer testamento en 1938, dispuxo que boa parte das súas rendas fosen para financiar o naquela altura existente Hospital Municipal.