Área Metropolitana da Coruña

A portavoz do BNG no Concello e candidata á Alcaldía, Avia Veira, anunciou esta mañá, en conferencia de prensa, que o grupo municipal nacionalista levará ao Pleno da vindeira semana, xoves 11 de xuño, unha moción para instar o Goberno Local a que se implique no impulso da Área Metropolitana da Coruña.

O Parque de Eirís -moi perto das ruínas do coñecido como Castelo de Valparaíso, desde o que se enxerga unha espectacular vista da baía coruñesa- acolleu este martes unha reunión de candidatas e candidatos do BNG da cidade e da comarca coa portavoz nacional Ana Pontón. A líder nacionalista chamou a concentrar na lista liderada por Jorquera o voto das persoas que queren unha Coruña en grande, sustentábel, feminista e de vangarda.