O BNG fixo este domingo 40 anos de vida e fíxoos na cidade e no espazo que o viu nacer, o Frontón de Riazor. 40 anos dunha organización sen a cal hoxe non se entende o noso país. 40 anos e a clara sensación –que comparten non só as persoas que ateigaron este domingo o Frontón de Riazor, senón a inmensa maioría da sociedade galega- de que o mellor está por vir, cun proxecto político sólido e unido liderado por quen se perfila xa como próxima presidenta da Xunta de Galiza, a nosa portavoz nacional, Ana Pontón.

Ana Pontón estivo esta mañá na Coruña para mostrar o apoio do BNG á causa do persoal de Teleperformance, ameazado cunha deslocalización a Colombia que acabaría con 100 empregos e lesionaría o dereito da veciñanza a ser atendida en galego as 24 horas. A portavoz nacional reuniuse nun hotel da cidade co comité de empresa de Teleperformance e estivo acompañada pola deputada Mercedes Queixas, o noso voceiro en María Pita, Francisco Jorquera, e a nosa concelleira Avia Veira.

A portavoz nacional, Ana Pontón, mantivo un encontro co comité de empresa de Alu Ibérica, xunto co portavoz municipal, Francisco Jorquera, e o portavoz parlamentario de industria, Ramón Fernández, no que  demandou a Goberno central e Goberno da Xunta que deixen a súa pasividade e adopten a única solución para garantir a produción e o emprego: a intervención pública. A xuntanza tivo lugar nunha sala da CIG no Edificio Sindical.

Unha estafa legalizada, en palabras de Ana Pontón, é a que estamos a sofrer coa suba do prezo da luz. Díxoo na Praza de Pontevedra, na presentación da campaña nacional que o BNG lanzou contra ese calote e a prol da tarifa eléctrica galega.

Cheo absoluto na Praza da Fariña no acto nacional co que o BNG deu inicio este sábado ao novo curso político, un evento en que tomaron a palabra o noso voceiro en María Pita, Francisco Jorquera, a nosa parlamentar Mercedes Queixas e, xa para lle pór o ramo a este mitin, a nosa portavoz nacional, Ana Pontón.

Foron por volta de 3.500 persoas as que este domingo, protagonizaron unha manifestación masiva polas rúas da cidade, máis multitudinaria se cabe se temos en conta que aínda continuamos en pandemia. Foi un clamor imposíbel de desouvir, un berro colectivo en defensa do porto da Coruña, que é tanto como dicir en defensa do corazón da cidade. Estivo Ana Pontón -acompañada polo noso portavoz no Congreso, Néstor Rego- e non estivo, en rechamante contraste, Inés Rey. "Non podemos conformarnos cunha moratoria da débeda. A cidadanía quere a condonación", díxolle aos medios Francisco Jorquera. "Por que a Valéncia si se lle perdoa a débeda e A Coruña, non?", perguntou a voceira nacional.

A portavoz nacional do BNG, Ana Pontón, estivo hoxe connosco para, nunha comparecencia ante os medios, anunciar a súa presenza na grande manifestación cidadá do próximo domingo. "

Inxectarmos máis de mil millóns de euros -1.096 para sermos exactos- para valorizar unha das xoias naturais, e produtivas, que ten este país. As Rías Galegas. Ese é o propósito que leva o BNG a formular unha Proposta para a Recuperación Produtiva das Rías Galegas. O documento apresentouno este mércores 20X a nosa portavoz nacional, Ana Pontón, nun acto informativo que tivo como cenario a Aula Náutica da UDC, a carón do Centro de Coordenación de Salvamento Marítimo.

"Somos a segunda forza deste país e queremos agradecer o contributo de miles de coruñesas e coruñeses que nos votaron o 12 de xullo. Esta cidade vai ter, ademais, unha voz propia no Parlamento galego, a de Mercedes Queixas", resaltou a portavoz nacional do BNG, Ana Pontón, durante o almorzo informativo que ofreceu aos medios locais para dar conta daqueles aspectos prioritarios en relación á cidade e á comarca en que o grupo parlamentar nacionalista vai centrar o seu traballo na nova lexislatura.

Ao pé da Torre de Hércules. Nese imponente espazo natural presentou este mércores o BNG a súa candidatura pola circunscrición coruñesa para o 12X. "Aquí, segundo a mitoloxía, Ith, filla de Breogán divisou Irlanda e encabeza a expedición até aquela illa. Galiza, érguete e anda, como en Irlanda, dicía Brañas e os vellos galeguistas. Hoxe temos unha nova Ith, Ana Pontón, que representa esa Nova Galiza, que se ergue e anda", dixo durante a súa intervención o portavoz do grupo municipal nacionalista, Francisco Jorquera.