Novas

O portavoz do BNG en María Pita, Francisco Jorquera, fai a seguinte valoración de urxencia do anuncio feito por Feixóo en relación á ampliación do CHUAC.

Os grupos municipais do BNG nos concellos integrados no actual Consorcio das Mariñas vanse abster nos plenos en que se vai votar a conversión deste ente nunha Mancomunidade, anunciou este martes a formación nacionalista a través dunha rolda de prensa con presenza da súa responsábel comarcal, Vitoria Louro, e dos voceiros de Cambre, Arteixo, Oleiros e A Coruña, Daniel Carballada, Xurxo Couto, Fran Rei e Francisco Jorquera, respectivamente.

A concelleira do BNG Avia Veira denunciou nunha pregunta por escrito que se lle está a retirar o complemento de vivenda da RISGA a moitas persoas que residen en pensións, mais que están empadroadas en enderezos de entidades benéficas.

#OBNGnaRúa Este xoves 23 de xaneiro apoiamos a concentración do colectivo de pensionistas da CIG en demanda da derrogación das reformas das pensións, quer a do PSOE de Zapatero quer a do PP de Raxoi.

O Goberno Local ten a intención de “substituír progresivamente os cartaces e sinais que presenten toponimia deturpada”. Así llo di o Executivo coruñés ao BNG en resposta a unha pregunta formulada por escrito pola concelleira Avia Veira, quen, nunha iniciativa sobre o uso do galego por parte do Concello, se interesaba por saber que pensaba facer o gabinete liderado por Inés Rey para “corrixir aquela toponimia deturpada que permanece na sinalización da cidade”. Cumpre lembrar que a única forma legal dos topónimos é a galega (artigo 10 da Lei de Normalización Lingüística de 1983).

Reproducimos a seguir a entrevista a Francisco Jorquera que El Ideal Gallego publicou o domingo 19 de xaneiro. É da autoría de L. Pazo.

Inés Rey debe iniciar "negociacións políticas" de inmediato co Goberno do Estado para intentar reverter a operación de venda de dous soares da Maestranza recentemente consumada polo Ministerio de Defensa. Así o dixo este luns Francisco Jorquera nunha tertulia en Intercoruna.

O mal estado das butacas, o uso dunha tecnoloxía de proxección da imaxe que deixa moito que desexar e as deficiencias no funcionamento do aire acondicionado levan a concelleira do BNG Avia Veira a formular unha pregunta por escrito ao Goberno Local sobre que pensa facer para mellorar os equipamentos das salas de cinema do Fórum Metropolitano.

Xa hai máis dun ano que caducou o contrato das cinco bibliotecas de titularidade municipal xestionadas por unha empresa privada, situación que levou a concelleira do BNG Avia Veira a formular unha pregunta oral ao Goberno Local no Pleno deste xoves.

O Pleno do Concello da Coruña aprobou este xoves 16 de xaneiro, e por unanimidade, as tres mocións presentadas polo grupo municipal do Bloque Nacionalista Galego.