Novas

A concelleira do BNG Avia Veira pediulle hoxe ao Goberno Local que esixa á Compañía de Tranvías, concesionaria do servizo de buses urbanos na cidade, o cumprimento estrito dos protocolos de seguridade da Covid-19.

Unha proposición non de lei para o seu debate en Pleno e Comisión, unha pregunta oral e outra por escrito. Tal é a batería de iniciativas que en relación á Casa Cornide, un ben patrimonial do pobo coruñés espoliado polo franquismo durante a ditadura, acaba de rexistrar no Parlamento galego a deputada do BNG e representante da cidade e a comarca no Pazo do Hórreo, Mercedes Queixas. O propósito básico, instar a Xunta de Galiza a que no mais breve prazo de tempo posíbel declare a Casa Cornide como Ben de Interese Cultural (BIC).

O proxecto que manexa o Goberno Local é o de instalar unha base para as actividades deportivas náuticas no espazo ocupado polos antigos estaleiros Valiña. Mais este emprazamento presenta non poucos problemas para a práctica do remo olímpico e determinadas modalidades de piragüismo, polo que o BNG propón como alternativa acondicionar para estes deportes os popularmente coñecidos como terreos da Conserveira Celta, no recheo situado nas inmediacións da Pasaxe. Alí podería establecerse tamén a sede dunha futura Escola Municipal de Remo e Piragüismo. A formación nacionalista fai esta proposta a través dunha pregunta por escrito de Francisco Jorquera ao Goberno Local.

O portavoz do BNG en María Pita, Francisco Jorquera, visitou esta mañá o barrio do Birloque da man do presidente da Asociación Veciñal do Birloque e O Martinete, Ramón Mañana, quen trasladou á formación nacionalista as necesidades e demandas destas áreas da cidade.

“O Goberno Municipal falou con Cruz Vermella para coñecer a situación que motivou a decisión [do peche do seu centro de día na Coruña]”.

O portavoz do BNG en María Pita insta o Goberno Local a respectar o Acordo de Investidura de xuño de 2019 e, por tanto, chámao a negociar os orzamentos de 2021 e non a os prorrogar.

“O Goberno [local] procura a mellor solución para que o Palacio da Ópera dea o servizo que está comprometido na concesión”. Esta é a resposta que lle dá o executivo coruñés a Francisco Jorquera, quen lle preguntara sobre se pensaba realizar xestións para recuperar a concesión.

O Goberno Local ten que reconsiderar a súa decisión de prorrogar os orzamentos 2020, anunciada polo concelleiro de Facenda en resposta a unha pregunta oral formulada polo portavoz do BNG en María Pita, Francisco Jorquera.

A intención do Goberno Local é prorrogar os orzamentos de 2020. A tese, expresada por José Manuel Lage nunha resposta a unha pregunta oral de Francisco Jorquera, é que nas circunstancias actuais, marcadas pola pandemia, “o orzamento 2021 en ningún caso sería mellor que o orzamento de 2020” prorrogado.

O Pleno do Concello da Coruña aprobou este xoves as mocións defendidas polo BNG en relación á Casa Cornide e a respecto do sector da hostelaría, un dos máis castigados pola pandemia. En troca, e ao recibir os votos contrarios do PSOE e a abstención do PP, a moción do BNG en favor da retirada do proxecto das Percebeiras foi rexeitada. Esta última moción asumía as demandas da Asociación de Veciñas e Veciños de Labañou, até o punto de que o texto a debate foi redactado integramente por este colectivo veciñal.