Soares da Maestranza

O grupo municipal do BNG pídelle ao Goberno Local que modifique o Plan Especial de Reforma Interior da Maestranza non só co propósito de recalificar a parcela que Defensa quere subastar, senón tamén para impedir que se constrúa nas dúas xa vendidas polo Invied á promotora Lipromo.

O Goberno Local está “disposto” a “considerar o marco xurídico urbanístico”, mais tamén “os informes, recomendacións e suxestións” da Dirección Xeral do Patrimonio Cultural en relación aos terreos da Maestranza, respondeu esta tarde o concelleiro delegado de Urbanismo, Juan Díaz Villoslada, ao portavoz do grupo municipal do BNG, Francisco Jorquera, na quenda das preguntas orais durante o Pleno do Concello deste xoves 2D.

A parlamentar do BNG Mercedes Queixas presentou no Rexistro do Parlamento unha petición para obter unha copia do informe emitido pola Dirección Xeral de Patrimonio sobre os soares da Maestranza a respecto da conservación dos restos arqueolóxicos da muralla da cidade.

O portavoz do BNG en María Pita, Francisco Jorquera, insta o Goberno Local a que atenda a demanda veciñal e reconsidere os seus plans en relación aos terreos da Maestranza.

Ao contrario do que sostivo en declaracións na Coruña o secretario de Estado de Defensa, Ángel Olivares, si que é perfectamente posíbel a cesión dos dous soares da Maestranza ao Concello da Coruña. É unha cuestión de pura vontade política. E hai precedentes: en 2006, o Goberno do Estado, naltura tamén en mans do PSOE, impulsou un proxecto de lei para transferir o castelo de Montjuïc a Barcelona.