Pleno de novembro de 2021

Os grupos municipais de PSOE e PP uniron os seus votos para rexeitaren a moción coa que o BNG lle pedía á alcaldesa que activase o procedemento para lle retirar ao alcalde franquista Sergio Peñamaría de Llano (1959-1963) as honras e distincións de que goza. ACHEGAMOS O TEXTO DA MOCIÓN.

O Goberno Municipal prepara diñeiro da Facenda local -15 millóns de euros- para se facer coa titularidade dos peiraos de Batería e Calvo Sotelo nun contexto en que as Autoridades Portuarias doutras cidades –València, Almeira e Pasaia- cederon terreos de xeito gratuíto aos concellos respectivos.

O portavoz do BNG en María Pita, Francisco Jorquera, rexistrou unha moción, para o seu debate no Pleno do vindeiro xoves 4N, por medio da cal pídelle ao Goberno coruñés que impulse a rehabilitación integral do grupo de vivendas popularmente coñecido como “Casas de Franco”, un asentamento de 578 moradas sociais que ocupan 2,12 hectáreas entre a Ronda de Outeiro e a rúa Mosteiro de Caaveiro, no Ventorrillo.