Orde e Talento

No andar superior do emblemático edificio Atalaya, e nun acto realizado para os medios o 22 de febreiro, o portavoz do BNG e candidato á Alcaldía, Francisco Jorquera, presentou os primeiros 14 nomes da listaxe nacionalista para o 28M.

Unha candidatura que se axusta á perfección, entende Jorquera, a aquilo que o mítico Arsenio Iglesias considera imprescindíbel para armar un bon equipo de fútbol: Orde e Talento.

Solidez, solvencia, imaxinación e creatividade ao servizo dun proxecto de cidade para facermos unha Coruña mellor.

"Este é o equipo chamado a gobernar a cidade", dixo Jorquera na conclusión do acto.

Ante os novos recortes ditados pola UE contra a frota de arrastre galega -que afectaría 24 barcos do porto da Coruña-, o Goberno galego debe asumir un papel de liderado, unir o sector e impulsar unha "resposta de país" "en defensa da pesca", considera o portavoz do BNG no Concello e candidato nacionalista á Alcaldía, Francisco Jorquera.

Como conquistou o Dépor o planeta fútbol? Pois cunha receita patentada polo lendario Arsenio Iglesias: con orde e con talento. A esa expresión apelou esta mañá Francisco Jorquera, candidato do BNG á Alcaldía, para resumir os trazos que caracterizan a lista do BNG para as eleccións municipais.