Crise de goberno local

O portavoz do BNG no Concello, Francisco Jorquera, ve na remodelación do Goberno Local, anunciada esta mañá pola alcaldesa, o recoñecemento de que a estrutura coa que o Executivo coruñés encetou este mandato -con tres macro-áreas e concelleiros de primeira e concelleiros de segunda- non funcionaba e estaba a conducir “á ineficacia e á parálise na xestión municipal”.

Preguntámoslle a Inés Rey polas sucesivas crises do seu goberno e respondeunos non ela, senón José Manuel Lage e fíxoo de forma evasiva: Francisco Jorquera inquiria polos episodios críticos vividos en María Pita e Lage quixo desviar a atención con datos das últimas licitacións.

Ante o fallo da xuíza que considera nulo o nomeamento de Mónica Martínez como integrante do Goberno Local -como concelleira delegada de Deportes-, o grupo municipal do BNG entende que se confirma o que manifestamos no seu momento: que en termos políticos esa designación non constituía precisamente un exercicio de política edificante.

O grupo municipal do BNG lamenta que as diferenzas internas no seo do PSdeG-PSOE volvan repercutir negativamente no funcionamento do Concello, a xeraren unha nova crise de goberno.