concellaria-de-culturas

Cremos “escasísima” a programación da Concellaría de Cultura co gallo do Día do Libro cuxos actos no Concello da Coruña poden contarse cos dedos das mans

Na Coruña, desde 2007 a 2011, arredor do Día do Libro organizábase xunto coas librarías e as bibliotecas municipais a Festa do Libro, saíndo os libros á rúa, lecturas públicas, actuacións musicais, presentacións e sinaturas de libros, a liberación de libros na Estación de Tren e na de Autobuses e mesmo a distribución de libros de balde

Do Partido Popular, que na Xunta de Galiza está a afogar o mercado editorial galego e que no Concello da Coruña foi o responsábel de que se deixase de celebrar a Festa do Libro, non esperabamos nada mais entendemos que o Goberno local da Marea Atlántica debía ter recuperado a Festa do Libro e unha programación potente pola efeméride do 23 de abril

Denunciamos a inexistencia de bonificacións a persoas en exclusión social no programa cultural Lecer de Outono 2017 do Fórum Metropolitano

Non entendemos como colectivos en exclusión social, persoas en situación de desemprego ou mesmo a mocidade non se poden beneficiar de descontos e pregúntamonos porque non se facilita un acceso universal a este tipo de actividades culturais

Tamén preguntamos se o Goberno vai rectificar e, por tanto, modificar as tarifas antes do remate do prazo de inscrición, xa que logo cremos que toda a veciñanza debe poder acceder á cultura na nosa cidade

Dubidamos que o Executivo Local teña claro que a prioridade no proceso de remunicipilación das bibliotecas sexan as e os traballadores

Segundo a propia valoración do Comité de Empresa de Eulen o cadro de persoal das bibliotecas non ten garantido os seus dereitos laborais adquiridos no proceso iniciado polo Goberno Municipal

Levamos máis dun ano a voltas con esta situación; por acción ou omisión, máis polo último, o Goberno da Marea chegou a un momento de incerteza para co plantel que dubidamos poida incluso resolverse no presente mandato. Cremos sinceramente que o proceso de remunicipalizacion terá que rematalo o Goberno Municipal seguinte o que amosa a política de fume e foguetes que se desenvolve desde María Pita

Denunciamos gastos de máis de 1.260.000 euros con reparos de intervención no Instituto Municipal Coruña Espectáculos desde comezo de mandato

Tivemos acceso a 215 gastos que presentan algún reparo de legalidade, no maior dos casos “gastos de necesidades permanentes e continuadas que requiren a formalización dun contrato” segundo a propia intervención

Segundo a propia liquidación do IMCE, os gastos con reparos realizados só en 2016, xa con contratos e servizos comprometidos polo Goberno municipal actual, ascenderon ao 15 % sobre os pagos realizados, o que supuxo máis de 785.000 euros

Preguntaremos, entre outras cuestións, quen formou parte da mesa que valorou os proxectos presentados, que pasará coas festas naqueles barrios onde as súas entidades non presentaron proxectos ou que pensa realizar o Goberno Municipal cos, como mínimo, 80.000 euros sobrantes ao só ser 17 os proxectos presentados e que cumpren cos requisitos da convocatoria

Tamén queremos que se dean explicacións sobre o por que non se notificou ás entidades de xeito formal a resolución xa que logo tiveron coñecemento a través da nota pública enviada polo Executivo, que provocou o retraso de dúas semanas sobre o prazo no que se tiña que anunciar esta resolución, así como por que algunhas entidades que non presentaron proxecto recibiron fora de prazo un correo da Concellaría de Culturas advertindo a circunstancia e instando a presentar o proxecto á maior brevidade posíbel

Cando en marzo preguntabamos en Pleno sobre o obxecto desta convocatoria indicóusenos que o seu obxectivo era unificar as festas nos barrios a través de procesos máis xustos, equilibrados e igualitarios para todas as entidades, e sempre en colaboración coas asociacións. Mais por agora entendemos que o programa Facemos Comunidade estase a realizar de xeito pouco transparente, improvisado, sen acompañamento das entidades e coas festas xa enriba, o que está imposibilitando que as entidades poidan planificar o seu traballo

Consideramos inaceptábel que o Goberno municipal siga sen tomar medidas contundentes para coa empresa Samyl despois de se anunciar que o persoal dos museos científicos irá a folga en resposta á presentación dun segundo ERTE por parte da empresa

Dicir que chove sobre mollado é pouco. Máis tendo en conta que recentemente unha sentenza xudicial sobre salarios pola que foi sancionada Samyl supuxo unha condena que solidariamente tivo que asumir propio Concello da Coruña. Esiximos que o Executivo local actúe e tome as medidas que teña que tomar”

Ao igual que para as xornadas de paro e mobilización anunciadas para a Semana Santa que finalmente non se chegaron a realizar ao asinarse un acordo polo que a empresa se comprometía a continuar a dar o servizo, amosamos a nosa solidariedade coas traballadoras e traballadores e anunciamos xa o noso apoio a folga convocada e que participaremos das concentracións e mobilizacións

Trasladamos o noso apoio ás traballadoras e aos traballadores dos museos científicos coruñeses

Mantivemos esta mañá unha reunión con representantes do cadro do persoal na que nos deron conta do seu calendario de mobilizacións

Urximos ao Goberno municipal a aportar unha solución xa. O vindeiro día 15 de abril 31 persoas estarán no paro se non se reverte a situación, malia que levabamos advertindo desta posibilidade desde novembro de 2015

Demandamos ao Goberno municipal que poña solucións definitivas enriba da mesa para evitar que 31 persoas que traballan nos museos científicos rematen na rúa

Non por advertido se actuou. Presentamos en novembro de 2015 unha moción onde xa explicabamos a situación do cadro de persoal e as intencións da empresa Samyl SL, cun contrato prorrogado desde 2014, dando conta das constantes vulneracións dos dereitos laborais ás súas traballadoras e aos seus traballadores, e na que instabamos o Goberno municipal a rescatar o servizo de atención ao público. Esta iniciativa foi rexeitada cos únicos votos en contra da Marea Atlántica. Tamén en xaneiro de 2016 realizamos unha pregunta oral en Pleno sobre esa situación de vulneración dos dereitos fundamentais. E en agosto preguntamos cal ía ser a actuación do Executivo, dada a aquela altura, a inminente caducidade da prórroga. Contestóusenos coas ambigüidades e incertezas coas que se está a caracterizar este mandato e sen aportar solucións á situación que nós prevíamos. O resultado final é que o cadro de persoal estará na rúa a mediados de mes

Amosamos a nosa solidariedade coas traballadoras e traballadores e anunciamos o noso apoio á folga convocada e a nosa participación nas concentracións convocadas para as vindeiras datas