asociacionismo

É inexplicábel que o Goberno municipal non responda ante as entidades máis dilixentes facendo posíbel o pagamento dos convenios

Presentamos hoxe unhas iniciativas nas que demandamos do Goberno da Marea Atlántica axilidade á hora de xestionar a subvencións nominativas polo que se financia o servizo de biblioteca no Campo de Marte que ofrece a A.VV. dass Atochas, Monte Alto, Torre de Hércules, Durmideiras: un servizo moi demandado e para o que a asociación conta cunha traballadora

Non deixa de chamar a atención que o Goberno Local financie unha festa co lema Revive Monte Alto e resulta que ten morrendo un convenio que precisamente permite manter aberta e viva a biblioteca do Campo de Marte xestionada pola A.VV. Monte Alto, unha asociación que leva traballando polo barrio desde hai 40 anos

Preguntamos sobre os procedementos que o Goberno municipal indicou que se elaborarían para o acceso aos usos dos locais municipais

Despois de se anunciar no Pleno do 9 de xaneiro que o inventario de locais municipais xa estaba concluído, preguntamos se son necesarios oito meses para proceder a elaborar uns procedementos para que a veciñanza, entidades, asociacións, grupos e mesmo particulares poidan solicitar de xeito regulado a utilización de dependencias municipais

Tamén cremos necesario saber en que medida afectarán estes procedementos aos usos que hoxe en día xa se están facendo por entidades e asociacións dalgúns espazos municipais e se estas entidades terán que se adaptar a eses procedementos novos ou se manterán os convenios, de houber, asinados con anterioridade

Participamos da II Edición do evento Barbería Solidaria en favor da Esclerose Múltiple celebrada esta tarde nos Xardíns de Méndez Núñez

Asistimos a este evento convidadas pola Asociación Coruñesa de Esclerose Múltiple - ACEM da que destacamos o seu labor, ao longo de todo o ano, de información e asesoramento aos afectados pola esclerose múltiple e aos seus familiares ademais de sensibilizar á opinión pública e as administracións

O noso Grupo Municipal visitou á asociación Agalure nos espazos onde desenvolve as súas actividades na avenida Glasgow

A entidade asociativa trasladounos as súas necesidades actuais, principalmente a demanda dunhas instalacións acaídas aos servizos que hoxe en día están a prestar

O contacto permanente co tecido asociativo da cidade, neste caso co sector sociosanitario, permítenos coñecer de primeira man as súas principais necesidades e acceder a problemática diaria á que se teñen que enfrontar: existe un conxunto de asociacións na Coruña que están desenvolvendo as súas actividades moi en precario mentres e o Goberno municipal non é capaz de acompañalas ou mesmo darlles alternativas axeitadas ao labor que están realizando