Novas
Tributo aos obreiros de Brens

A impresionante dignidade dos 8 obreiros de Brens

Un sinxelo e emotivo tributo –unha ofrenda floral diante do monumento da memoria deseñado por Isaac Díaz Pardo no Campo da Rata- foi o que renderon na mañá do sábado 20 de agosto militantes do BNG de Cee e Corcubión aos 8 obreiros da fábrica de Brens, sindicalistas da naquela altura chamada Fábrica Hidroeléctrica do Pindo- fusilados o 18 de decembro de 1936 por teren organizado unha folga contra o golpe de estado fascista. Na homenaxe participou o portavoz do BNG no Concello, Francisco Jorquera.
Ler novas
Andamiaxe abandonada 3

Até cando a vergoña urbanística da andamiaxe abandonada na Rúa das Donas?

O BNG xa se interesou por este asunto a medio de diversas iniciativas, mais calquera visita ao número 3 da Rúa das Donas –nun dos accesos ao corazón da Cidade Vella- permite comprobar como o Goberno Local non ten feito nada para resolver o que podemos considerar unha auténtica vergoña urbanística, o estado de lamentábel abandono en que se acha a andamiaxe que tapa un dos edificios desta vía pública.
Ler novas
Jorquera na Comisión de Deportes

"Pola súa forte raigame social, o Clube do Mar de San Amaro non pode ser tratado como unha concesionaria máis"

O portavoz do BNG en María Pita, Francisco Jorquera, defendeu esta mañá, no transcurso da Comisión de Deportes, que o Goberno Local debe “implicarse en acadar unha solución” para a situación que atravesa o Clube do Mar de San Amaro. “É unha entidade histórica cunha forte raigame social e o Concello non a pode tratar como unha concesionaria máis”, considera o voceiro nacionalista.
Ler novas