Pleno de outubro de 2025

O portavoz do BNG en María Pita, Francisco Jorquera, vai procurar no Pleno do Concello deste xoves un pronunciamento de todos os grupos con representación na cámara municipal de condena ao xenocidio que Israel está a cometer en Gaza.

“Ten o Goberno Local algunha novidade para lle contar ás coruñesas e aos coruñeses en relación ao mundial 2030?”, así reza a pregunta oral que o noso concelleiro David Soto lle vai dirixir ao Goberno Local no Pleno do vindeiro xoves.

As competencias sobre o mantemento dos centros de ensino públicos de infantil e primaria da cidade da Coruña son do Concello, no que atinxe ás obras menores, e da Xunta, no que respecta ás maiores. Mais a realidade é que ningunha das dúas administracións están a asumir as súas responsabilidades con eficacia, o que ten levado a comunidade educativa, nomeadamente as ANPAS, a denunciar a falta de mantemento que presentan os seus centros.

O concelleiro do BNG David Soto vaille dirixir unha pregunta oral ao Goberno de Inés Rey no Pleno do vindeiro xoves 2 de outubro en relación á situación do servizo de actividades deportivas municipais.

O portavoz do BNG no Concello, Francisco Jorquera, volve levar ao vindeiro Pleno, a se realizar o xoves 2 de outubro, as verteduras de graneis que se continúan a producir na calzada da estrada do porto e na AC-10. A iniciativa será un rogo oral.