JORQUERA VOLVE LEVAR O ASUNTO AO PLENO, NA SESIÓN DO XOVES 2 DE OUTUBRO
Continúa a haber verteduras de graneis na estrada do Porto e na AC-10
O portavoz do BNG no Concello, Francisco Jorquera, volve levar ao vindeiro Pleno, a se realizar o xoves 2 de outubro, as verteduras de graneis que se continúan a producir na calzada da estrada do porto e na AC-10. A iniciativa será un rogo oral.
![<p>Tifo en Marathon Inferior no Dépor-Las Palmas Foto de Javier Alborés [DXT Campeón]</p>](/asset/zoomcrop,768,432,center,center/media/bngcidadedacorunha/images/2026/07/14/2026071414061679677.jpg)
A pesar de o BNG ter rexistrado rogos en plenos anteriores -xuño e xullo- as cousas non teñen mudado, o que leva Jorquera a se volver interesar por esta cuestión.
O BNG demanda que o Goberno Local faga xestións perante a Autoridade Portuaria ou o Ministerio de Transporte -titular da AC10- para que resolvan de vez este problema que representa un perigo para a seguridade das persoas que por alí transitan, en particular ciclistas e motoristas.
Achegamos fotografías, tomadas os pasados días 30 de xullo, 9 de setembro e 22 de setembro que testemuñan a continuidade das verteduras.
Máis novas
![<p>Tifo en Marathon Inferior no Dépor-Las Palmas Foto de Javier Alborés [DXT Campeón]</p>](/asset/zoomcrop,480,270,center,center/media/bngcidadedacorunha/images/2026/07/14/2026071414061679677.jpg)
