O Pleno de outubro aprobou as tres mocións específicas do BNG –a iniciativa sobre Os Mallos foi conxunta co resto de grupos-, en relación á explotación laboral que sofren as traballadoras de Extel, á adopción de medidas perante a inminente desaparición do escudo social fronte aos desafiuzamentos e ao apoio por parte do Concello ao Circo de Artesáns.

A proposta lanzada hai uns días polo BNG –que os distintos grupos municipais acordasen unha moción conxunta sobre a situación que se está a vivir nos Mallos- chegou a bon porto e será debatida no Pleno deste xoves 7O.

Consumido máis da metade do mandato, cómpre avaliar a situación da cultura na nosa cidade, entende o BNG, polo que a súa concelleira Avia Veira vaille formular unha pregunta oral ao Executivo coruñés a ese respecto no Pleno do vindeiro xoves 7 de outubro.