O Goberno Local propuxo este xoves a creación dunha Mesa de Traballo para definir que facer co antigo cárcere provincial, unha vez que o Tribunal Supremo tombase a pretensión de anulación do convenio suscrito en 2005 polo Concello coa Sociedade de Infraestructuras e Equipamientos Penitenciarios (SIEP) e, por tanto, reafirmase que a administración local tería de achegar 1,1 millóns de euros no caso de querer facerse coa titularidade do inmóbel. A acción ante o Supremo foi instada polo propio Concello para tentar deixar sen efecto un convenio asinado polo Goberno de Francisco Vázquez.

A concelleira do BNG Avia Veira vai defender, no Pleno deste xoves 4X, unha moción a través da cal a Corporación municipal insta a Consellaría de Educación a que planifique xa o próximo curso académico e que o faga con todas as garantías sanitarias, contemplando todos os escenarios (desde o ensino presencial até a docencia on line), contratando máis profesorado e coa diminución da fenda dixital como obxectivo.

O portavoz do BNG en María Pita Francisco Jorquera vai preguntar no Pleno do vindeiro xoves ao Goberno Local que accións emprendeu para demandar o esclarecemento dos feitos e a depuración de responsabilidades pola morte do mozo coruñés Diego Bello, asasinado por axentes da policía filipina.

O portavoz do BNG en María Pita, Francisco Jorquera, vai defender no Pleno do vindeiro 4X unha moción en que se insta a Xunta a que poña en marcha distintas medidas de protección do sector do mar, especialmente castigado polas consecuencias económicas da Covid-19.

O grupo municipal do BNG presentou unha moción para o Concello se implicar activamente na normalización do galego, a impulsar campañas para a súa promoción entre a infancia e a mocidade, e á vez para que o Goberno Local inste a Xunta a que poña en marcha políticas tendentes a lograr a recuperación de persoas galegofalantes.