Pleno do 3 de outubro de 2024

“Somos conscientes de que somos un Goberno Local en minoría e que temos que chegar a acordos co BNG. Somos conscientes de que todo é mellorábel. Estamos traballando para os acordos saíren adiante”, dixo o portavoz do Executivo coruñés, José Manuel Lage, ao ser interpelado ao respecto polo voceiro do BNG no Concello, Francisco Jorquera.

O concelleiro do BNG David Soto leva ao Pleno deste xoves 3 de outubro o acordo orzamentario entre a formación nacionalista e o PSOE sobre as condicións salariais do cadro de persoal do servizo de Conserxaría das instalacións deportivas municipais, compromiso que o Goberno Local ten pendente de cumprir.

O portavoz do BNG no Concello, Francisco Jorquera, vaille preguntar no Pleno deste xoves ao Goberno Local se é consciente de que goberna en minoría, “porque moitas veces non o parece”.

O Goberno Local continúa sen cumprir o acordo selado co BNG, no marco da negociación do vixente orzamento do Concello, en virtude do cal ía incrementar en 250 mil euros a partida destinada ao Consorcio para a Promoción da Música para a súa aplicación na Escola Municipal de Música.