Pleno de abril de 2021

O portavoz do Goberno Local, José Manuel Lage, deixou sen resposta preguntas moi concretas formuladas esta tarde no Pleno por Francisco Jorquera en relación ás xestións realizadas pola alcaldesa, Inés Rey, sobre empresas da Coruña en perigo de fechamento (Alcoa) ou de deslocalización a Madrid (Naturgy).

O Pleno de Abril do Concello da Coruña aprobou as tres mocións formuladas polo Bloque Nacionalista Galego, a relativa ao Barrio das Flores por unanimidade e as referidas aos abusos bancarios e a modernización dos camiños de ferro A Coruña-Ferrol por maioría, con abstención do PP e, no último caso, tamén da concelleira non adscrita.

O portavoz do BNG en María Pita, Francisco Jorquera, vai defender no Pleno do próximo 8A unha moción por medio do cal insta o Goberno Local a que desenvolva un Plan de Rehabilitación Integral do Barrio das Flores en diálogo coa veciñanza.

“Cal é a previsión do Goberno Local para o reforzo dos Servizos Sociais Municipais, así como das axudas e mecanismos de inclusión social municipais, de cara a afrontar as consecuencias da crise provocada pola Covid-19 neste ano e nos vindeiros?”, así reza o texto da pregunta oral que a concelleira do BNG, Avia Veira, vai dirixir ao executivo coruñés no Pleno do vindeiro 8 de abril.