Feira do Libro

No primeiro Pleno ordinario do mandato 2023-2027 -realizado este 7 de setembro-, a concelleira do BNG Mercedes Queixas denunciou o insuficiente apoio do Goberno Local á Feira do Libro.

Tan insuficiente que o Executivo presidido por Inés Rey faltou ao seu compromiso e deixou de asinar o convenio anunciado coa Federación de Librarías de Galiza.

A súa achega, 15 mil euros, foi notoriamente inferior ao previsto inicialmente no convenio (50 mil), o que, claro está, impediu que a Feira -a pesar de todo, un suceso de público e vendas_ desenvolvese todo o seu potencial.

“Considera o Goberno Local que o apoio do Concello da Coruña estivo á altura dun evento cultural tan relevante para a cidade como é a Feira do Libro?”, así reza o texto da pregunta oral que a concelleira do BNG Mercedes Queixas vai dirixir ao Executivo coruñés durante o primeiro Pleno ordinario do novo curso político, a se realizar este xoves 7 de setembro.

O grupo municipal do BNG votou esta mañá a prol do orzamento modificativo que se se someteu a consideración nun Pleno extraordinario, mais ao mesmo tempo, por boca do seu portavoz Francisco Jorquera, formulou críticas sobre o que cualificou como falta de previsión orzamentaria por parte do Goberno Local e sobre aspectos relativos á política cultural, entre outros a decisión de deixar sen convenio a Feira do Libro.

A concelleira do BNG Avia Veira dirixiulle unha pregunta por escrito ao Goberno Local para saber por que o Executivo coruñés sacou a concurso, por valor de 87.420 euros, un contrato de subministración de fondos bibliográficos para as bibliotecas municipais sen ter en conta as librarías da cidade.

A concelleira do BNG Avia Veira demandou este martes ao Goberno Local que dea un impulso á Feira do Libro, con axudas ás libreiras da cidade para participaren neste evento, e pediu tamén que se estude por parte do executivo coruñés unha ubicación alternativa para acoller o recinto ferial co obxectivo de garantir as distancias de seguridade como medida de prevención da Covid-19.