espolio-da-cidade

Non era sen tempo que xa con 22 meses de mandato se nos presentara un proxecto de cidade, mais o «Coruña Próxima» non deixa de ser unha declaración de intencións, chea de xeralidades que escapa da concreción dos grandes problemas presentes e futuros da Coruña

O proxecto presentado polo Goberno Municipal segue sen aportar propostas concretas e preocúpanos que entre as prioridades presentadas como eixo de traballo para os próximos dous anos non se atopen o Emprego e a Cultura

Lembrámoslle ao Executivo que as propostas que esixe que lle presentemos os grupos da oposición a respecto da Fachada Marítima, a mobilidade e a Área Metropolitana, nós xa as temos realizado e pode consultalas nos nosos programas electorais de 2011 e 2015 e nas numerosas intervencións realizadas en medios de comunicación ou mesmo en achegas presentadas en todas as administración nas que temos representación empezando mesmo polas presentadas no Concello da Coruña

As prioridades en San Diego non pasan polo uso residencial senón por ser o lugar onde se artelle un verdadeiro transporte metropolitano por vía ferroviaria e marítima

Na modificación do planeamento urbanístico do porto interior debe apostarse pola súa promoción, o seu uso mixto, a creación de novas actividades e a súa preservación para o fomento económico como lugar de actividade comercial e de pesca que xera riqueza

Lembramos a nosa postura radicalmente en contra de que o porto exterior se financie a través da venda de patrimonio publico, ou sexa do que é de todas e todos, independentemente de quen o merque, e, polo tanto, sempre nos amosaremo contrarios á compra da Solana por 1,4 millóns á Autoridade Portuaria xa estes cartos irían destinados, tal e como denunciabamos xa en 2014, a financiar a débeda do ente portuario pola construción de Punta Langosteira

Cremos fundamental realizar a Consulta Popular independentemente do encargado á Asesoría Xurídica do Concello e apostamos porque a pregunta que se faga á veciñanza sexa concreta e que se formule claramente a devolución gratuíta de terreos

Advertimos que o informe encargado por alcaldía para trazar “unha folla de ruta” para levar a cabo a consulta non debe converterse nun proceso que enguedelle ou adíe sine die o referendo popular

A Autoridade Portuaria ten amosado en múltiples ocasións que nin respecta nin agarda polo Concello da Coruña, que ten os seus propios intereses e que non participa do interese xeral para co pobo da Coruña. Insistimos en que non cabe negociar nada e que se debe esixir a devolución de balde. Así o dixemos na Asemblea Cidadá, non coma o Goberno municipal que calou e ocultou a súa intención de negociar, nun exercicio de hipocrisía do que deberá dar conta a todas as entidades que participamos naquela asemblea. É por iso que agardamos que o informe que encargou o alcalde non sexa outra estratexia de enguedellar e adiar as tomas de decisións aos que nos ten acostumado

Os feitos dos últimos dous días rebelan que o Goberno local non é de fiar no que ten a ver coa súa actuación a respecto dos terreos da Solana e do Finisterre e pregúntase para que vota a favor de mocións que demandan a devolución gratuíta cando está disposto a pagar por eles

O concelleiro de urbanismo fixo un exercicio de hipocrisía inadmisíbel. Durante a asemblea cidadá, onde unanimemente se lle reclamou ao Executivo local que loitara e representara ao pobo da Coruña diante dos intereses especulativos e urbanísticos da Autoridade Portuaria, nin pediu a palabra, nin adiantou a intención do Goberno municipal tendo a decisión xa tomada e agochándoa de xeito intencionado e doloso

O Goberno municipal, aínda aprazada a poxa da Solana e do Finisterre, é cómplice do espolio da cidade e xa quedou retratado ao carón da Autoridade Portuaria

Logo do lamentábel silencio do Executivo local na Asemblea Cidadá de onte, na que máis de 60 entidades reivindicamos a devolución gratuíta dos terreos portuarios, as declaración de Xiao Varela desta mañá (podes escoitalas premendo aquí vía Radio Coruña) confirman o cambio cromos que o Goberno municipal leva máis dun ano facendo xunto coa Autoridade Portuaria, negociando as agochadas e en contra dos intereses do pobo da Coruña

Cualificamos inadmisíbel a postura do concelleiro de Rexeneración Urbana e entendemos como un acto de covardía que non fixera as declaracións onte na Asemblea Cidadá que si hoxe realizou para os medios de comunicación

Faremos todo o necesario para que os acordos tomados onte na Asemblea se efectivicen

De se consumar esta venda, entendemos que o Goberno da Marea será cómplice do espolio da cidade, e quedará retratado ao carón e da man da Autoridade Portuaria

Insistimos na importancia de que se realice a modificación na ordenación dos espazos portuarios para que estes teñan usos sociais ou para a veciñanza e se preserve a actividade económica do porto actual como lugar de actividade comercial e de pesca para así recuperar a fachada marítima ao conxunto da cidade

As noticias que aparecen constantemente estes días nos medios de comunicación a respecto da nosa fachada marítima evidencian a falta dunha proposta de futuro do Goberno da Marea para cos peiraos interiores e a súa incerteza na xestión de como se debe actuar. Levamos avisando desde hai anos que estes peiraos non poden ser vendidos mentres non sexan desafectados, polo que instamos o Executivo local a abordar de vez a reforma do PXOM e preservar os seus usos futuros

Lembrámoslle ao Goberno municipal que no último Pleno aprobouse a moción presentada pola Comisión Aberta do Común na que se esixía a devolución gratuíta dos terreos da Solana/Hotel Finisterre, polo que non cabe ningunha negociación

Na moción aprobada tamén se solicitaba do Goberno municipal, entre outras cuestións, a convocatoria dunha reunión con todas as forzas políticas, sindicais, sociais e a todo o movemento asociativo da Coruña para apoiar esta devolución de balde, a colocación na fachada do palacio de María Pita, como noutras ocasións, dunha pancarta cun lema moi concreto, ou a convocatoria dunha gran mobilización cívica. Xa pasou unha semana desde a celebración do Pleno e o Executivo municipal limitouse unicamente a insistir en chegar a acordos negociados sen a necesidade da poxa. Novamente están a incumprir deliberadamente os acordos que se toman en Pleno

Trasladamos ao Pleno a moción achegada pola Comisión Aberta en Defensa do Común pola que se esixe á Autoridade Portuaria a devolución gratuíta dos terreos da Solana e o Hotel Finisterre

Recollemos así a proposta que a Comisión entregou a todos os grupos municipais e agardan que finalmente sexa asinada por todos e aprobada unanimemente

Seguimos e seguiremos insistindo en que non cabe outra actuación por parte da Autoridade Portuaria que a devolución gratuíta dos terreos ao seu lexitimo dono, o pobo da Coruña. Entendemos que temos que impedir o espolio da nosa cidade e esixir a reprobación do acordo polo que de novo saen á poxa eses terreos xa que logo o obxecto desta é o de pagar, a conta dos nosos petos e pola parte de atrás, o nefasto negocio que supuxo o modelo de financiamento do Porto Exterior

Esiximos do Presidente da Xunta que defenda os intereses da veciñanza da Coruña e que se posicione en contra da decisión da Autoridade Portuaria da venda da Solana e do Finisterre e censure publicamente a actitude especulativa de Enrique Losada

Queremos lembrar que os terreos da Solana e do Hotel Finisterre, alleados no franquismo do seu verdadeiro dono, non outro que o pobo da Coruña, están sendo obxecto de especulación económica unicamente para facer caixa e pagar pola porta de atrás o nefasto negocio que supuxo o modelo de financiamento do Porto Exterior