Eleccións xerais 2023

A escasas horas de que conclúa a campaña destas eleccións xerais, o portavoz do BNG no Concello, Francisco Jorquera, fai un chamamento a votar o BNG, para frear a dereita e tamén para que a Axenda Galega -e, contida nela, a Axenda Coruñesa- estea presente tamén na política estatal.

No sprint final desta campaña, o BNG repartiu esta mañá material informativo en Catro Camiños e farao esta tarde na Praza Elíptica.

Un grupo de militantes nacionalistas, entre elas a concelleira do BNG Avia Veira, repartiron esta mañá na Praza de Pontevedra material informativo de campaña.

Candidatas e candidatos do BNG ás xerais 2023 -entre elas e eles Manuel Presas, número 7 ao Congreso, e Carlos Babío, un dos nomes que o Bloque propón para o Senado- realizaron este sábado unha travesía reivindicativa en barco pola Ría do Burgo. Estiveron acompañados polo portavoz nacionalista no Concello, Francisco Jorquera, e pola deputada e tamén concelleira Mercedes Queixas.

Unha candidatata e dous candidatos tomaron a palabra no acto co que o BNG abriu a campaña das xerais na Coruña, na praza da Fariña. Foron Iria Taibo, número 3 da lista nacionalista ao Congreso, Nacho Siota e Carlos Babío, candidatos á cámara baixa e ao Senado, respectivamente.

"O voto ao BNG ten un dobre valor. É un dique fronte á dereita e á extrema dereita, mais á vez é o único voto que asegura que Galiza conte", dixo o noso portavoz no Concello, Francisco Jorquera, durante o acto de presentación da candidatura do BNG para as eleccións xerais do 23 de xullo que coprotagonizou canda Néstor Rego, número 1 da nosa lista pola circunscrición coruñesa, e Ana Pontón, líder do Bloque.