Deslocalización de Naturgy

Francisco Jorquera: "Chove sobre mollado; após o desmantelamento do centro operativo da Rede Norte de Naturgy o ano pasado, agora toca liquidar o servizo de atención á clientela de UFD, que se vén prestando ininterrompidamente en Teleperformance da Coruña desde hai 25 anos"

O portavoz do BNG en María Pita, Francisco Jorquera, cualifica de “falta de respecto a toda a cidade” a decisión de Naturgy de lle negar a visita ás súas instalacións da Avenida de Arteixo á alcaldesa e ao presidente da Deputación, quen esta tarde se achegaron á sede da empresa para falar con traballadoras e traballadores.