Barrio das Flores

O BNG insta o Goberno Local a que atenda a demanda da veciñanza e habilite unha oficina de asesoramento do Plan Director de rehabilitación integral do Barrio das Flores.

A recente visita da ministra de Transportes, Mobilidade e Axenda Urbana, Raquel Sánchez, ao Barrio das Flores é un novo exercicio de venda de fume, entende o BNG da Coruña, formación que lle esixe ao Goberno Local que se poña en marcha dunha vez a Oficina Municipal de Rehabilitación como mecanismo de concreción do Plan Director para este barrio.

A iniciativa asínaa Francisco Jorquera e refírese en concreto á petición da veciñanza de que se constrúan unhas ramplas nas rúas das Margaridas, dos Castaños e das Hortensias e no acceso aos edificios con entrada por Hortensias e Margaridas.

O portavoz do BNG en María Pita, Francisco Jorquera, vai defender no Pleno do próximo 8A unha moción por medio do cal insta o Goberno Local a que desenvolva un Plan de Rehabilitación Integral do Barrio das Flores en diálogo coa veciñanza.