Banda Municipal de Música

A Banda Municipal de Música, con 70 anos de historia ás súas costas, é un “tesouro” da cultura coruñesa que merece un maior apoio por parte do Goberno Local, un claro reforzo do seu cadro de persoal e unha maior visibilidade non só na cidade, senón máis alá tamén do termo municipal da Coruña.

É preciso o Goberno Local comprometerse máis coa Banda Municipal de Música, así o defende neste vídeo Avía Veira.
 

Por iniciativa do BNG este xoves compareceron na Comisión de Educación e Cultura o coordinador xeral da Alcaldía, Santiago Roura, e un membro da Banda Municipal de Música. O propósito, dar conta a este órgano do Concello da situación desta agrupación musical e das xestións que se realizan desde o Goberno Local para resolver os seus problemas, desde a non cobertura da praza de director/a –o último concurso ficou deserto- até as carencias de medios e de persoal que arrastra.

A concelleira do BNG Avia Veira vaille preguntar ao Goberno Local, no pleno do próximo xoves 2X, sobre o proceso de selección da persoa que vai dirixir a Banda Municipal de Música.