Novas

Un deses mitins para a historia do nacionalismo galego na Coruña. Iso foi o que se viviu este xoves 7N nun Rosalía de Castro que botaba por fóra. A temperatura emocional estourou no epílogo con toda a platea, e as oradoras no escenario, a cantar un "Desta Vai!!!!" que ecoou na monumental planta e nos altos teitos do teatro. Ana Pontón chamou a unha mobilización masiva o 10N: "A cicloxénese explosiva que seica vén o 10N é a do BNG a volver a Madrid".

O concelleiro de Cultura e Memoria Histórica, Jesús Celemín, afirmou esta tarde que o Consello da Memoria Democrática analizará a finais de mes a petición do BNG de retirada das honras e distincións ao alcalde da Coruña Sergio Peñamaría de Llano (1959-1963) por ter participado directamente en asasinatos durante a represión franquista.

O Pleno do Concello da Coruña deu luz verde este xoves 7N ás mocións do BNG sobre o drama “social e nacional” da emigración, contra a violencia machista e a prol da devolución gratuíta á cidade dos terreos en desuso do Ministerio de Defensa.

O grupo municipal do BNG vai defender tres mocións no pleno ordinario do concello da Coruña que se vai realizar este xoves 7 de novembro a partir das 10 horas.

"A cuestión non é sermos ou non sermos galegas e galegos. A cuestión é exercermos como tales e está claro que estes anos os deputados galegos das forzas estatais en Madrid non actuaron como galegas e galegos", dixo na súa intervención no mitin de Monte Alto a concelleira do BNG Avia Veira, nun acto político no que interviñeron tamén o candidato ao Congreso Xosé Iglesias e a eurodeputada do BNG Ana Miranda.

Así o anunciou este martes a candidata ao Congreso por A Coruña, Mercedes Queixas, durante o mitin que a formación nacionalista realizou perante o Mercado das Conchiñas, no corazón do barrio da Agra do Orzán. "O BNG non se activa só en períodos electorais. O BNG actívase sempre en defensa do país", dixo.

Os grupos municipais do Bloque Nacionalista Galego e a Marea Atlántica rexistraron unha moción conxunta, trasladada pola Comisión Aberta en Defensa do Común (CADECO), para reclamar a devolución gratuíta á cidade da Coruña dos terreos do Ministerio de Defensa no Campo da Estrada-Maestranza e en Adelaida Muro. Deste xeito, Marea e BNG defenderán no Pleno deste xoves, 7 de novembro, que o Concello volva solicitar ao Goberno do Estado que abandone as súas intencións de especular co que é patrimonio da veciñanza da Coruña. 

Así o anunciou esta mañá a candidata do BNG ao Congreso Mercedes Queixas, quen participou –canda outras militantes da formación nacionalista, entre elas o portavoz en María Pita Francisco Jorquera–, nun reparto de material informativo de campaña na rúa Barcelona.

Francisco Jorquera e Avia Veira formalizaron xa hai días e por escrito a súa renuncia a percibir dietas pola súa asistencia aos Consellos de Administración de Emalcsa e Emvsa, respectivamente.

Nunha primeira achega ás mudanzas introducidas polo Goberno Local nas ordenanzas fiscais, sancionadas este martes nunha xunta de goberno convocada de xeito urxente e extraordinario, o portavoz do BNG en María Pita, Francisco Jorquera, quer facer a seguinte avaliación: