“Atendeu directamente a Concellaría de Medio Ambiente, a través de persoal técnico da área, consultas veciñais sobre a solución adoptada para os pés das árbores na contorna do Campo da Leña?”, inquire Francisco Jorquera.

O voceiro nacionalista interésase por saber se se trata dunha solución provisional ou definitiva e igualmente demanda información sobre se se aplica noutras zonas da cidade ou está previsto que se faga.

Como o cemento podería dificultar a absorción de auga por parte da árbore –a función dos alcorques, buracos practicados no chan xunto á base do tronco, é precisamente facilitala- Jorquera preguntálle ao Goberno Local se ten coñecemento de se secou algún dos exemplares situados á altura da intersección do Campo da Leña coa rúa da Praza. “Se así foi, coñécese a causa?”, inquire.

Normalmente para os alcorques úsase terra vexetal, máis porosa, e non un material con aspecto de cemento.