Pleno 5 de marzo

O Goberno Local non tramitou a catalogación do cárcere como BIC (aínda que unha moción do BNG votada polo PSOE o mandataba a facelo), a próxima semana abrirá conversas cos distintos grupos municipais para avanzar na elaboración da Ordenanza do Galego e hai por volta dun mes presentou un dossier ao Ministerio de Defensa reclamando a devolución do soar de Adelaida Muro.

 

O Pleno do Concello da Coruña aprobou este xoves 5M as tres mocións a debate do BNG, iniciativas arredor da inexistencia do servizo de gardas de 24 horas nos xulgados de instrución coruñeses, as demandas feministas do 8M e as necesidades sanitarias da cidade.

O portavoz do BNG en María Pita Francisco Jorquera vai defender no pleno deste xoves 5M unha moción para instar a Xunta de Galiza a que se garanta a titularidade pública do denominado novo CHUAC –en realidade unha ampliación do hospital xa existente-, de xeito que se desboten fórmulas de xestión privada escondidas baixo o eufemismo da “colaboración público-privada” como as postas en práctica pola Xunta no Hospital Álvaro Cunqueiro de Vigo.