Pleno de 11 de xaneiro de 2024

O Pleno do Concello aprobou este xoves as 3 mocións defendidas polo BNG, dúas delas -a referida ao cumprimento da Ordenanza do Galego e a que demandaba políticas de accesibilidade universal- por unanimidade. A terceira, sobre mobilidade metropolitana, tivo o apoio do grupo municipal socialista e foi rexeitada pola bancada conservadora.

 A concelleira do BNG Avia Veira leva ao Pleno deste xoves 11X a necesaria regulación das vivendas de uso turístico por parte do Goberno Local.

O portavoz do BNG no Concello, Francisco Jorquera, vaille lembrar ao Goberno Local -a medio dunha pregunta oral no Pleno do vindeiro xoves- o seu compromiso de abrir “un proceso de investigación para determinar se as concesionarias dos servizos de limpeza e recollida de lixo” se inhibiron das súas responsabilidades sobre a política de contratación e eventualmente as delegaron no STL.