Pisos turísticos

A concelleira do BNG Avia Veira vai defender no Pleno deste xoves 2 de marzo unha moción por medio do cal insta o Goberno Local a que, no que fica de mandato, impulse unha modificación puntual do PXOM de 2013 e do PEPRI da Cidade Vella e Pescaría co propósito de establecer límites á proliferación das vivendas de uso turístico.

Non é de recibo que se manteña a situación actual de “barra libre”, de falta de regulación da existencia de pisos turísticos na cidade. Este diagnóstico compartírono o grupo municipal do BNG e representantes da Asociación Galega de Turismo Sostíbel durante a reunión que esta mañá mantiveron nas oficinas da formación nacionalista en María Pita.

Despois de a Xunta de Goberno Local realizada o 20 de outubro de 2022 ter aprobado a licenza para mudanza de uso comercial a hoteleiro do inmóbel sito no número 30 da Avenida da Mariña, a concelleira do BNG Avia Veira rexistrou unha pregunta por escrito para saber se o Executivo coruñés ten cuantificado cantos edificios da Cidade Vella e a Pescaría “están completamente dedicados a apartamentos turísticos”.