Parque da Agra Xa

O deputado do BNG no Congreso, Néstor Rego, demándalle ao Goberno do Estado que acelere o plan para abrir ao público o parque e a zona verde do Observatorio meteorolóxico situado no barrio da Agra do Orzán, na Coruña. Ante a parálise para materializar a actuación prevista, a formación nacionalista reclama a máxima celeridade para ofrecer á veciñanza un espazo verde e de esparexemento nunha área da urbe carente deste tipo de espazos.

Sobre o convenio asinado polo Goberno Local coa promotora privada Dricar de Inversiones S.L., propiedade de Juan Carlos Rodríguez Cebrián, o BNG positiva toda cesión de parcelas que vaia na dirección de aumentar as zonas verdes do Parque da Agra.

A concelleira do BNG Mercedes Queixas insta o Goberno Local a que cumpra de vez o acordo asinado coa Axencia Española de Meteoroloxía (AEMET) –“e o compromiso asumido coa cidadanía da Agra do Orzán”- e se abra canto antes ao público o Xardín do Observatorio Meteorolóxico, fechado durante a pandemia (2020) e nunca máis aberto ás coruñesas e coruñeses.

Un roteiro pola Viaxe de Visma –desde o manancial da Arqueta dos Frades até o acueduto do Paseo das Pontes, pasando polo Campo da Burra, ao pé do Observatorio Meteorolóxico- foi o que fixeron esta mañá un nutrido grupo de persoas convocadas polo BNG.