Sobre o convenio cunha promotora privada que afecta o futuro Parque da Agra
![Veciñas no Campo da Burra. Parque da Agra Xa!](/asset/thumbnail,992,558,center,center/media/bngcidadedacorunha/images/2023/07/05/2023070513024898962.jpg)
“Mais a eficacia do convenio depende en último termo de que se leve a Pleno unha modificación puntual do PXOM que execute a sentenza do Tribunal Superior de Xustiza de Galiza e que, á vez, estabeleza a ordenación urbanística do Parque da Agra”, afirma ao respecto a concelleira do BNG Avia Veira.
A edil nacionalista remarca que o BNG fixará a súa posición definitiva sobre este proxecto urbanístico “en función do que o Goberno Local propoña para o conxunto do Parque da Agra”.
“Desde logo, e tendo en conta que falamos dun dos barrios máis densamente poboados de Europa, a Agra merece un parque digno de tal nome e, por tanto, un parque coa maior extensión posíbel de zonas verdes e de espazos para o lecer da veciñanza”, engade.
De resto, Veira pon o acento en que fica pendente o derrubamento dos muros das rúas Gregorio Fernández e Canceliña e a conseguinte apertura ao público do Xardín do Observatorio, fechado ao público desde a pandemia, e nesa dirección salienta que o BNG se preocupou de que houbese nos orzamentos do Concello deste 2024 unha partida para financiar esa actuación.
En marzo de 2023, o Goberno Local asinou un convenio coa Axencia Española de Meteoroloxía para reabrir o Xardín do Observatorio, acondicionar o espazo -por volta de 5.000 metros cadrados de zonas verdes- e delimitar a área da delegación da AEMT.
15 meses despois, nada foi feito e a veciñanza continúa sen poder acceder ao Xardín do Observatorio, o xerme do que no futuro terá que ser o Parque da Agra.