Olalla Rodil

O BNG, por medio da súa viceportavoz parlamentar Olalla Rodil, vai rexistar unha iniciativa na cámara galega arredor das circunstancias en que se produciu a morte dunha usuaria no Centro DomusVi Concepción Arenal, en Matogrande, o 10 de decembro de 2019.

Un cento de persoas renderon hoxe un emotivo tributo á memoria de Moncho Valcarce (1935-1993) con motivo do seu 27 cabodano. O Cemiterio de Santo Amaro acolleu o acto, organizado polo grupo de barrio do BNG de Monte Alto. Nel tomou a palabra a viceportavoz do grupo parlamentar do BNG, Olalla Rodil, quen definiu Moncho Valcarce como “un galego de acción e de corazón. Un símbolo da Galiza viva e combativa”.

A memoria de Moncho Valcarce, o coñecido popularmente como o cura das Encrobas, continúa moi presente na cidade e na comarca. E, como xa é tradición, o BNG vaille render tributo este sábado no seu cabodano, desta volta o 27. Será un acto cívico no Cemiterio de Santo Amaro e contará coa participación da viceportavoz do grupo parlamentar do BNG, Olalla Rodil. A organización do evento vai correr a cargo do grupo de barrio do BNG de Monte Alto.