Escola Municipal de Música

Na negociación dos orzamentos do Concello para 2024, o BNG logrou que se incluíse unha partida de 250 mil euros para incrementar os fondos destinados á Escola Municipal de Música -cuxo edificio presenta moitas deficiencias e o cadro de persoal reclama o cumprimento do convenio colectivo nunha situación de precariedade marcada pola caducidade do contrato da concesionaria.

Mais eses 250 mil euros -como confirmou o interventor do Consorcio para a Promoción da Música- non se aplicaron finalmente, o que levou a nosa concelleira a formular unha pregunta ao respecto no #PlenoOutubro do pasado xoves 3O. A resposta dada polo concelleiro do Goberno Local responsábel da materia non só é evasiva, senón que non se sostén. Non negociou o BNG unha partida para enxugar o déficit, senón para incrementar os recursos disponíbeis da Escola.

Esta mesma semana, despois do Pleno, caeu un anaco da cornixa do edificio, nunha hora punta de afluencia ao centro, o que evidencia até que punto o Concello debe reforzar os recursos da escola, a comezar por garantir a integridade física e a saúde de profesorado e alumnado.

O Goberno Local continúa sen cumprir o acordo selado co BNG, no marco da negociación do vixente orzamento do Concello, en virtude do cal ía incrementar en 250 mil euros a partida destinada ao Consorcio para a Promoción da Música para a súa aplicación na Escola Municipal de Música.

Neste vídeo Avia Veira pídelle ao Goberno Local que democratice o funcionamento da Escola Municipal de Música, neste momento nunha situación de provisionalidade canto á súa dirección, e que acondicione as súas instalacións para lle facer fronte ás novas necesidades decorrentes da Covid-19.

A concelleira do BNG Avia Veira acaba de rexistrar un rogo oral, para a súa defensa no Pleno do vindeiro 10 de setembro, a medio do cal pídelle ao Goberno Local que revitalice a Escola Municipal de Música (EMM), democratice o seu funcionamento interno e adapte as súas infraestruturas ás necesidades decorrentes da Covid-19.

O BNG olla con gran preocupación desde hai tempo a deriva de precarización que está a atravesar a Escola Municipal de Música da cidade. Tal situación, trasladada ao Grupo municipal nacionalista por diferentes membros da comunidade educativa deste centro, no que cursan estudos unhas 600 persoas, motivou que o pasado mes de maio a concelleira Avia Veira dirixira ao goberno municipal unha batería de preguntas escritas. 

Trasladamos ao próximo Pleno unha iniciativa na que nos interesamos polo deterioro deste edificio

Constatamos a aparición de pingueiras nos andares interiores deste edificio e xa anunciamos que solicitaremos a inclusión de investimentos nos orzamentos municipais de 2019 para a reforma e modernización das instalacións

Tendo en conta de que se achega o inverno e, por conseguinte, a época de chuvias, demandamos actuacións inmediatas, alén da colocación dun cubo para as pingueiras, xa que a situación é insostíbel, tanto para as persoas traballadoras da instalación como para as persoas usuarias e o alumnado da Escola