Detectamos incumprimentos moi graves no servizo de socorrismo das nosas praias
Por responsabilidade achegamos a Alcaldía toda esta serie de incumprimentos polos que demandamos que o Goberno municipal xa debe tomar unha decisión contundente. Entendemos que o Executivo, en función destas achegas, actuará en consecuencia e non permitirá que a empresa continúe xestionando o servizo durante 2017
Realizamos esta mañá unha rolda de prensa na que denunciamos unha serie de incumprimentos no servizo de socorrismo da cidade que tiveron lugar durante o ano 2016 e das que tivemos coñecemento recentemente.
Do mesmo xeito vimos de poñer en coñecemento de Alcaldía, a través dun escrito rexistrado tamén pola mañá no que recollemos todos os incumprimentos dos tivemos probas documentais e polos que demandamos que se actúe en consecuencia.
