Consorcio do Porto

No Pleno do xoves 5N, o portavoz do BNG en María Pita, Francisco Jorquera, chamou a alcaldesa a que pase da retórica aos feitos e negocie con Xunta e Estado a constitución do Consorcio, elemento clave para a condonación da débeda que pesa sobre o porto da Coruña.

O grupo municipal do BNG instou este martes a alcaldesa, Inés Rey, a que poña en marcha xa o procedemento para a constitución do Consorcio encargado de impulsar a transformación dos terreos do porto interior, paso previo imprescindíbel para a condonación da débeda que pesa sobre a dársena coruñesa.