Consello Municipal da Cultura

A 22 de maio de 2024 o Consello Municipal de Cultura (CMC) realizou a súa última reunión, para elixir a vicepresidencia e os membros da súa comisión permanente. Desde aquela, nada, a pesar de o BNG terlle dirixido unha batería de preguntas por escrito ao Goberno Local para lle demandar explicacións sobre a súa inacción ao respecto: é a alcaldesa a presidenta do órgano e é quen ten que convocar as súas reunións.

O Consello Municipal da Cultura é o argumento sobre o que xira a pregunta oral que a concelleira do BNG Mercedes Queixas lle vai dirixir ao Goberno Local no Pleno de xaneiro do Concello a se realizar o vindeiro xoves 9X.

O Consello Municipal de Cultura (CMC) realizou, no Centro Ágora, a súa sesión constitutiva o pasado 16 de novembro de 2023. Non fora sen tempo: constituíase un ano e medio despois de o ter reclamado o Pleno (durante o pasado mandato) e após o BNG telo demandado nunha outra sesión plenaria xa no presente período.

A concelleira do BNG Avia Veira, na súa calidade de presidenta da Comisión de Educación e Cultura do Concello, convoca reunión deste órgano para o vindeiro xoves ás 9.30 horas visando que o Goberno Local dea conta das súas xestións sobre as Escolas Infantís e as Bibliotecas Municipais e para que explique por que non activa o Consello Municipal da Cultura.

Eis un breve resumo da intervención de Avia Veira no #PlenoExtraordinario do xoves 14 de xullo sobre o #ConselloMunicipalDaCultura. Nel expresamos con clareza o noso Si ao Consello -non en van, levámolo solicitando desde novembro de 2020- e a nonsa abstención ante un regulamento